U miascovaści pad Viciebskam, dzie znajšli bivień mamanta, praviaduć archieałahičnaje daśledavańnie
Raniej paviedamlałasia, što pad Viciebskam u čas darožnych rabot, budaŭniki natrapili na ŭnikalnuju znachodku — całkam zachavany bivień mamanta. Jon amal nie paškodžany i zachavaŭsia bolš čym na 90%. Heta stała padstavaj dla taho, kab na hetuju miascovaść źviarnuć bolš pilnuju ŭvahu.
Jak rastłumačyŭ kiraŭnik Centra archieałohii Biełarusi Instytuta historyi NAN Alaksiej Aŭłasovič, archieołahi źbirajucca pravieści padrabiaznaje daśledavańnie ŭčastka, dzie byŭ znojdzieny bivień.
Pieršasnyja vyniki pakazvajuć, što pakul niama prykmiet taho, što ŭ hetym miescy kaliści byŭ čałaviek, tamu, vierahodna, znachodka nie źjaŭlajecca archieałahičnym artefaktam. Adnak kančatkovaje mierkavańnie možna budzie zrabić tolki paśla hruntoŭnych navukovych rabot.
Alaksiej Aŭłasovič padkreśliŭ, što choć archieałohija vyvučaje pieradusim žyćcio ludziej, mamanty taksama cikaviać daśledčykaŭ, bo jany žyli ŭ adnu epochu z čałaviekam. Časam na kostkach i biŭniach takich žyvioł možna zaŭvažyć ślady apracoŭki abo vykarystańnia čałaviekam.
Płanujecca, što bivień papoŭnić fondy novaha budynka Nacyjanalnaha histaryčnaha muzieja, dzie jaho zmohuć pabačyć naviedvalniki.
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami10
Kamientary