«Uvaliŭsia ŭ litarataru, jak buchi ŭ padjezd». Lesley Knife vypuskaje knihu «Bilinhva»
U vydaviectvie Grunwald u vieraśni vyjdzie kniha muzyki Uładzisłava Navažyłava (Lesley Knife) «Bilinhva». Navinku možna zamović prosta ciapier praz sajt vydaviectva, piša bellit.info.
«Bilinhva» — hetaz zbornik paezii i prozy vakalista Gods Tower Uładzisłava Navažyłava. U knihu ŭklučany tvory, napisanyja ŭ pieryjad z pačatku stahodździa, da našaha času, a taksama vieršy, napisanyja paśla ŭcioku ź Biełarusi, z nahody palityčnaha pieraśledu.
«Ja nie pryjšoŭ u litaraturu — ja tudy ŭvaliŭsia, jak buchi ŭ padjezd. Pakul susiedzi spračalisia, što sa mnoj rabić, ja ŭžo zanasiŭ meblu, rasstaŭlaŭ butelki z tannym pojłam i ŭrubaŭ na poŭnuju hučnaść stary chevi mietał, — piša Uładzisłaŭ Navažyłaŭ z nahody vychadu knihi. — Ja pišu nie pa praviłach. Maje teksty — z drapinami, šnarami i plamami ad kavy. Hrubaje słova dla mianie — nie pont i nie praźmiernaść, a ćvik, jaki trymaje kanstrukcyju. Kali siužet choča źviarnuć u padvarotniu — ja nie budu ciahnuć jaho nazad na mahistral».
Zamović knihu možna paspasyłcy: Grunwald.ca.
Uładzisłaŭ Navažyłaŭ (Lesley Knife) — biełaruski rok-muzyka, suzasnavalnik Gods Tower, adnaho z najviadomiejšych mietał-hurtoŭ ź Biełarusi, litaratar.
Naradziŭsia ŭ Homieli. Z pryčyny palityčnaha pieraśledu pakinuŭ Biełaruś, žyvie ŭ Litvie.
Aŭtar tekstaŭ na miažy aŭtabijahrafii, fiłasofii i ironii. Jahonaja tvorčaść achoplivaje temy pamiaci, kulturnaha razłomu, duchoŭnaha błukańnia i humaru jak formy vyžyvańnia. Nie vieryć u žanry, ličyć što sučasnaja litaratura heta i kpiny, i spoviedź, i apošni ŭzdych pierad novym pačatkam.
Kamientary