Śnieh kala mašyny treba prybirać na adlehłaść adnaho mietra, inakš štraf
Kiroŭcam na dvarovych parkoŭkach nieabchodna ačyščać śnieh vakoł svajoj mašyny jak minimum na mietr, nahadvaje Partał kamunalnaj hramatnaści. Za nievykanańnie hetaha patrabavańnia pahražaje štraf.
— U vypadku stajanki transpartnaha srodku na prydamavych terytoryjach albo prajezdach fizičnyja asoby, u tym liku indyvidualnyja pradprymalniki, pavinny zabiaśpiečvać svoječasovuju ŭborku śniehu na terytoryi, pryznačanaj dla ruchu abo stajanki transpartnaha srodku, na adlehłaści nie mienš jak 1 mietr ad hetaha transpartnaha srodku, jaki naležyć na pravie ŭłasnaści abo inšaj zakonnaj padstavie, — adznačyŭ namieśnik ministra žyllova-kamunalnaj haspadarki Andrej Ramaška.
Zhodna z artykułam 22.10 KaAP za parušeńnie praviłaŭ dobraŭparadkavańnia praduhledžanyja štrafy:
dla fizičnych asob — da 25 bazavych vieličyń (z 1 studzienia 2026 hoda pamier bazavaj vieličyni ŭ Biełarusi składzie 45 rubloŭ, a pakul jana — 42 rubli);
dla indyvidualnych pradprymalnikaŭ — ad 10 da 50 bazavych vieličyń;
dla jurydyčnych asob — ad 20 da 100 bazavych vieličyń.
Ciapier čytajuć
Jakija damoŭlenaści byli ŭ amierykancaŭ z Łukašenkam pa vyzvaleńni palitviaźniaŭ? Tłumačyć Viačorka7
Kamientary