Paśla vydaleńnia tromba padčas apieracyi ŭtvaryŭsia mocny kryvatok, piša ŭ fejsbuku žonka viadomaha palityka i hramadskaha dziejača Alaksandra Milinkieviča Ina Kulej.
«Alaksandr u reanimacyi, stan vielmi ciažki. Apieracyja stenciravańnia była na sonnaj arteryi, dzie 80% praśvietu było zakryta trombam. Kali jaho vydalili, to jak šluz adkryŭsia — kryvatok vielmi napružany, cisk vielmi vysoki», — napisała Ina Kulej, jakaja ŭčora paviedamlała, što Alaksandru Milinkieviču siońnia pavinny rabić apieracyju.
«Ja biaskonca vieru, što z Božaj dapamohaj jaho arhanizm musić spravicca. Vieru i malusia», — piša jana.
Alaksandru Milinkieviču ciapier 78 hadoŭ. Jon sam z Hrodna, u 1990‑1996 hodzie byŭ namieśnikam staršyni Hrodzienskaha harvykankama, u toj čas mocna paspryjaŭ biełarusizacyi ŭ horadzie. U 2006 hodzie byŭ kandydatam ad demakratyčnaj apazicyi sa statusam «adzinaha» na prezidenckich vybarach. Paśla stvaryŭ hramadski ruch «Za Svabodu» i da 2016 hoda byŭ jahonym kiraŭnikom. U apošnija hady źjaŭlajecca pazaštatnym daradcam Śviatłany Cichanoŭskaj, adnym z arhanizataraŭ «Volnaha biełaruskaha ŭniviersiteta».
«Jon sapraŭdy jak mała chto zasłužyŭ jaje» — Milinkievič pra premiju dla Pačobuta
Milinkievič: Nie moža być dumak, a ci pravilnaja cana, a ci treba cisnuć ruku Łukašenku?
Milinkievič: Kali pahladzieć na vopyt inšych krain, najbolšy pośpiech byŭ tam, dzie ŭdałosia sprahnazavać i realizavać dyjałoh
Milinkievič: Kali ŭ 2020 hodzie ŭ biełarusaŭ jašče byŭ hieapalityčny vybar, to ciapier jaho niama
Ciapier čytajuć
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie2
«A što adbyvajecca?» Čerhi na biełaruska-rasijskaj miažy ciapier nie tolki na asnoŭnym pierachodzie, a navat na hłuchoj darozie
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu5050
Kamientary