Пасля выдалення тромба падчас аперацыі ўтварыўся моцны крываток, піша ў фэйсбуку жонка вядомага палітыка і грамадскага дзеяча Аляксандра Мілінкевіча Іна Кулей.
«Аляксандр у рэанімацыі, стан вельмі цяжкі. Аперацыя стэнціравання была на соннай артэрыі, дзе 80% прасвету было закрыта тромбам. Калі яго выдалілі, то як шлюз адкрыўся — крываток вельмі напружаны, ціск вельмі высокі», — напісала Іна Кулей, якая ўчора паведамляла, што Аляксандру Мілінкевічу сёння павінны рабіць аперацыю.
«Я бясконца веру, што з Божай дапамогай яго арганізм мусіць справіцца. Веру і малюся», — піша яна.
Аляксандру Мілінкевічу цяпер 78 гадоў. Ён сам з Гродна, у 1990‑1996 годзе быў намеснікам старшыні Гродзенскага гарвыканкама, у той час моцна паспрыяў беларусізацыі ў горадзе. У 2006 годзе быў кандыдатам ад дэмакратычнай апазіцыі са статусам «адзінага» на прэзідэнцкіх выбарах. Пасля стварыў грамадскі рух «За Свабоду» і да 2016 года быў ягоным кіраўніком. У апошнія гады з'яўляецца пазаштатным дарадцам Святланы Ціханоўскай, адным з арганізатараў «Вольнага беларускага ўніверсітэта».
«Ён сапраўды як мала хто заслужыў яе» — Мілінкевіч пра прэмію для Пачобута
Мілінкевіч: Не можа быць думак, а ці правільная цана, а ці трэба ціснуць руку Лукашэнку?
Мілінкевіч: Калі паглядзець на вопыт іншых краін, найбольшы поспех быў там, дзе ўдалося спрагназаваць і рэалізаваць дыялог
Мілінкевіч: Калі ў 2020 годзе ў беларусаў яшчэ быў геапалітычны выбар, то цяпер яго няма
Цяпер чытаюць
Літоўскага блогера, які вазіў турыстаў у Чарнобыльскую зону, пасадзілі ў Беларусі за палітыку1
Каментары