U Homieli žychary dabilisia, kab ułady nie rujnavali staruju hałubiatniu
U Homieli zaviaršyłasia hramadskaje abmierkavańnie zabudovy dvara pa vulicy Čačerskaj, dzie płanujecca ŭźviadzieńnie novaha šmatpaviarchovaha doma. Na hetaj terytoryi znachodzicca ŭnikalnaja dla horada draŭlanaja hałubiatnia, jakaja vidavočna zaminała budaŭnictvu. Adnak miascovyja žychary adstajali jaje — abjekt vyrašyli zachavać, a ŭ krajnim vypadku akuratna pieranieści za košt zabudoŭščyka, pišuć «Mocnyja naviny».
Hetaja hałubiatnia isnuje z 1990‑ch hadoŭ, kali ŭ Homieli była vialikaja i aktyŭnaja supolnaść hałubavodaŭ — bolš za 300 čałaviek. Tady pa ŭsim horadzie adkryvalisia novyja hałubiatni, a za redkimi parodami homielskija amatary jeździli ŭ Maskvu, Kijeŭ, Hiermaniju i navat u ZŠA.
Z časam, adnak, supolnaść pačała pastupova skaračacca, i ciapier va ŭsioj Homielščynie zastałosia tolki kala 80 zavodčykaŭ. Mnohija hałubiatni ŭžo źnieśli, u tym liku adnu z apošnich — u centry Homiela ŭ 2023 hodzie.
Mienavita tamu miascovyja žychary ŭspryniali zachavańnie hałubiatni na Čačerskaj jak važnuju pieramohu. Dla dvaroŭ jana stała nie prosta haspadarčaj pabudovaj, a častkaj miascovaj historyi i tradycyi.
Ciapier ułady paabiacali: kali hałubiatnia trapić u zonu rabot, jaje pieraniasuć u inšaje miesca pa ŭzhadnieńni z administracyjaj. Žycharoŭ raduje, što hety, mahčyma, apošni taki abjekt u Homieli ŭsio ž źbierahuć.
U Baranavičach u parku pastavili adpužvalnik dla ptušak. Ale jon adpužvaje taksama i ludziej
Hałuby i varony zachapili centr Bresta
U Homieli hałuby pasvaryli žylcoŭ i kamunalnikaŭ
U Minsku žančyna nasiła korm hałubam cełymi viodrami. Jaje aštrafavali
Vychavany i zakonapasłuchmiany hołub pierajšoŭ darohu na zialonaje śviatło VIDEA
Kamientary
za 235 hadoú úsio paniščana - Škoła , Historyja , Mova , Litaratura , Mastactva .
i voś dazvolili nie kranać staruju hołubiatniu