Kiraŭnik «Rasnafty» zajaviŭ pra hatoŭnaść Rasii być resursnaj bazaj dla Kitaja
Kitaj, jaki zabiaśpiečvaje 35% suśvietnaj pramysłovaj vytvorčaści, źjaŭlajecca siońnia adzinaj pramysłovaj supierdziaržavaj, zajaviŭ Ihar Siečyn.
Rasija maje ŭnikalnuju resursnuju bazu i hatovaja vykarystoŭvać jaje dla zabieśpiačeńnia Kitaja, jaki za košt rasijskich enierharesursaŭ dasiahaje ŭłasnych stratehičnych metaŭ, zajaviŭ kiraŭnik «Rasnafty» Ihar Siečyn na VII Rasijska-kitajskim enierhietyčnym biznes-forumie.
Pry hetym Siečyn nazvaŭ Kitaj «adzinaj pramysłovaj supierdziaržavaj», pakolki kraina zabiaśpiečvaje 35% suśvietnaj pramysłovaj vytvorčaści.
Kiraŭnik «Rasnafty» adznačyŭ, što zaležnaść amierykanskich vytvorčych kampanij ad kitajskich kamplektujučych siońnia ŭ try razy vyšejšaja, čym zaležnaść kitajskich pradpryjemstvaŭ ad ZŠA. Jašče 20 hadoŭ tamu situacyja była procilehłaj, padkreśliŭ Siečyn, dadaŭšy, što taki vynik staŭ śledstvam paśladoŭnaj i dalnabačnaj palityki kitajskaha kiraŭnictva.
Siečyn dadaŭ, što rasijskija pastaŭki enierharesursaŭ źjaŭlajucca najvažniejšym padtrymlivajučym faktaram u dasiahnieńni Kitajem svaich stratehičnych met.
Kamientary
"Moskovskoje kniažiestvo niezakonno vyšło iz sostava Zołotoj Ordy".
"Kitaj sam riešajet s kiem hraničiť".