Žychar Brestčyny, jaki pracavaŭ žyviołavodam u načnyja źmieny, pakazaŭ svoj zarobak u TikTok. Jak vyśvietliłasia, jon nie adziny, chto zarpłataj nie zadavoleny.
U Bresckim rajonie žyviołavod z SVU «Damanava» (Brestabłhaz) vykłaŭ u TikTok videa z ułasnym raźlikovym listkom. Zarobak za načnyja źmieny, jakija zvyčajna apłačvajucca vyšej, skłaŭ u jaho kala 720 rubloŭ. Mienavita hetyja ličby i stali šokam dla mnohich hledačoŭ, piša BGmedia.
«Ni razu nje atrymlivaŭ narmalnaha zarobku»
Mužčyna raskazaŭ, što adpracavaŭ na pradpryjemstvie bolš za hod i, pavodle jaho słoŭ, ni razu nie bačyŭ hodnaj apłaty. Bolš za toje, jak śćviardžaje aŭtar, jaho pazbavili nadbavak, što jašče bolš źmienšyła kančatkovy zarobak.
U videa jon pakazaŭ aficyjny raźlikovy dakumient, dzie maksimalnaja suma za miesiac nie pieravyšaje 720 rubloŭ.
«Pracuju vartaŭnikom i žyviołavodam adnačasova»
Pad publikacyjaj chutka źjavilisia dziasiatki kamientaroŭ ad ludziej, jakija pracujuć u anałahičnych umovach. I mnohija ź ich pišuć, što situacyja — typovaja dla sielskaj haspadarki:
- «Pracuju hetak ža. Maju 626 rubloŭ. Ja i vartaŭnik, i žyviołavod razam. Z 16:00 da 8:00. I minimalny zarobak nam nie płaciać».
Inšy čałaviek piša:
- «Na fiermie piać adryn, i pracavać davodzicca na ŭsich adnamu. Atrymlivajem kala 1000 rubloŭ, choć raniej byli dva vartaŭniki na toj ža pracy».
U kamientarach znajšlisia i ludzi, jakija nie pavieryli, što ŭ Biełarusi mohuć płacić tak mała. Na što inšyja raili:
- «Nie vierycie — idzicie sami pracavać u kałhas i pahladzicie».
Niekatoryja kamientatary adznačajuć, što ludzi nie majuć instrumientaŭ, kab adstojvać svaje pravy, tamu adzinaje, što im zastajecca — iści ŭ sietki i pakazvać zarpłatnyja listki, spadziejučysia na reakcyju hramadstva.
Pamiatajecie kadeta, jaki na sustrečy z Łukašenkam śmieła vystupiŭ pa-biełarusku? Jon vyjechaŭ z krainy20
Kamientary