Viktar Łukašenka damohsia pieramovaŭ z novaj kiraŭnicaj Mižnarodnaha alimpijskaha kamiteta
Pieršyja pieramovy Viktara Łukašenki, jaki ŭznačalvaje Nacyjanalny alimpijski kamitet Biełarusi, i kiraŭnicy Mižnarodnaha alimpijskaha kamiteta Kirści Kovientry, jakuju abrali na pasadu ŭ sakaviku, prajšli pa videasuviazi.
Zhodna z paviedamleńniem NAK, Viktar Łukašenka padčas razmovy paskardziŭsia, što biełaruski sport pieražyvaje «adzin z samych niaprostych pieryjadaŭ u historyi».
«Abmiežavańni zakranuli nie tolki spartsmienaŭ vyšejšaha ŭzroŭniu, ale i junych atletaŭ, jakija tolki pačynajuć šlach u vialikim sporcie», — skazaŭ Łukašenka.
Jon vystupiŭ za toje, što sport «pavinien zastavacca pa-za palitykaj», a taksama vykazaŭ nadzieju na ŭdzieł biełaruskich spartsmienaŭ u mižnarodnych spabornictvach.
Pavodle paviedamleńnia NAK, prezident MAK Kirści Kovientry zajaviła, što znosiny z prezidentam NAK Biełarusi i jaho kamandaj prajšli dobra, a MAK maje namier padtrymlivać biełaruskich spartsmienaŭ.
«Baki adznačyli kanstruktyŭny i stabilny charaktar dyjałohu, vykazaŭšy namier praciahvać rehularnyja pieramovy i sumiesna znachodzić rašeńni pa ŭsich aktualnych pytańniach», — havorycca ŭ paviedamleńni.
Biełaruskija spartsmieny na dadzieny momant adchilenyja ad bolšaści mižnarodnych spabornictvaŭ praz padtrymku Alaksandram Łukašenkam rasijskaha ŭvarvańnia va Ukrainu ŭ 2022 hodzie. U pačatku 2025 hoda Viktar Łukašenka byŭ znoŭ abrany prezidentam NAK, i MAK pryznaŭ jaho pryznačeńnie na hetuju pasadu.
U lipieni było paviedamleńnie, što MAK schilajecca da taho, kab dapuścić biełaruskich spartsmienaŭ da ŭdziełu ŭ zimovych Alimpijskich hulniach.
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary