U Rasii, abaraniajučy nieznajomuju žančynu, zahinuŭ 33‑hadovy biełarus
U rasijskim Muramie byŭ zabity biełarus, jak zastupiŭsia za nieznajomuju žančynu. Mužčyna pracavaŭ na budoŭli i pryjechaŭ adpačyć na dyskateku ŭ susiedni rajon.
Zdareńnie adbyłosia 28 červienia kala miascovaha načnoha kłuba. Dva biełarusy, jakija pracavali na budoŭli ŭ Nižaharodskaj vobłaści, pryjechali z horada Vyksa na dyskateku ŭ Muram.
Ranicaj la budynka kłuba jany ŭbačyli bojku miascovych, adzin z udaraŭ atrymała žančyna, jakaja namahałasia raźniać mužčyn.
Biełarus padyšoŭ da kryŭdziciela i pasprabavaŭ advieści jaho ŭbok. U hety momant da jaho zzadu padbieh abvinavačany i nanios udar u padbarodak.
Biełarus atrymaŭ ciažkuju čerapna-mazhavuju traŭmu i pamior da pryjezdu miedykaŭ.
24-hadovy zabojca razam z žonkaj i znajomymi ŭciakli na aŭtamabili, ale pa videakamierach ich vyličyli i zatrymali ŭ Razani.
Chłopca buduć sudzić pavodle artykułu za naŭmysnaje pryčynieńnie ciažkaj škody zdaroŭju, jakoje paciahnuła pa nieaściarožnaści śmierć.
Kamientary
Kali žančyna ličyć, što ŭ jaje dastatkova mocy, kab raźnimać bojku mužčyn, chaj jana sama niasie adkaznaść za svai dziejańni.
Biełarusa škada. Ziamla jamu pucham.