U vyniku napadu paciarpieli dva nachvardziejcy, jany znachodziacca ŭ krytyčnym stanie; ciažkaje ranieńnie taksama atrymaŭ napadnik.
Pavodle słoŭ Trampa, Ministerstva ŭnutranaj biaśpieki ZŠA ŭpeŭnienaje, što napadnik prybyŭ u ZŠA z Afhanistana ŭ 2021 hodzie (raniej pra heta paviedamlali amierykanskija ŚMI sa spasyłkaj na krynicy).
«Heta było złačynstva suprać usiaho našaha naroda, — skazaŭ jon. — Heta było złačynstva suprać čałaviečnaści».
Tramp taksama skazaŭ, što ŭłady ZŠA pavinny pravieryć kožnaha, chto ŭjechaŭ u krainu z Afhanistana pry papiaredniaj administracyi Džo Bajdena, jašče raz raskrytykavaŭšy svajho papiarednika.
Amierykanski lidar taksama paćvierdziŭ, što daručyŭ kiraŭniku Pientahona Pitu Chiehsietu nakiravać jašče 500 supracoŭnikaŭ Nachvardyi ŭ Vašynhton.
«My znoŭ zrobim Amieryku absalutna biaśpiečnaj», — dadaŭ jon, padziakavaŭšy supracoŭnikam śpiecsłužbaŭ.
Kamientary