Čynoŭnik u Bresckaj vobłaści byŭ zvolnieny z-za bankaŭskaha rachunku ŭ ES
Namieśnik kiraŭnika adnoj z arhanizacyj Bresckaj vobłaści vyzvaleny ad pasady paśla pravierki prakuratury Bresckaj vobłaści. Pavodle pres-słužby viedamstva, pravierka vyjaviła parušeńnie antykarupcyjnaha zakanadaŭstva.
Pavodle prakuratury, čynoŭnik na praciahu niekalkich hadoŭ adkryŭ i vykarystoŭvaŭ u asabistych metach bankaŭski rachunak u zamiežnym banku, zarehistravanym na terytoryi ES.
Prakuratura zajaŭlaje, što heta dziejańnie zabaroniena dla dziaržaŭnych słužbovych asob Zakonam Respubliki Biełaruś «Ab baraćbie z karupcyjaj».
Najmalnikam było pryniata rašeńnie ab zvalnieńni supracoŭnika. Zvalnieńnie na hetaj padstavie pryznajecca dyskredytujučymi abstavinami, piša pres-słužba. Na praciahu piaci hadoŭ jaho pryznačeńnie na kirujučyja pasady mahčyma tolki pa ŭzhadnieńni sa staršynioj vykanaŭčaha kamiteta.
Kamientary