U Minsku płanujuć zapuścić apłatu kartkami na ŭsich vidach transpartu
Biełarusam spadabałasia płacić kartkami ŭ hramadskim transparcie — piłotny prajekt u Minsku akazaŭsia paśpiachovym. U 2026 hodzie jaho płanujecca maštabavać. Jak čakajecca, novaja technałohija apłaty stanie dastupnaj na ŭsich vidach staličnaha transpartu, piša Oniner.by.
Ciapier u Minsku taki typ apłaty testujuć na tralejbusach maršrutu №1, jakija chodziać pamiž «Zialonym Łuham — 6» i stancyjaj mietro «Maskoŭskaja», i aŭtobusach maršrutu №1 (DS «Viaśnianka» — Kirava). Pasažyry mohuć apłacić prajezd kartkami płaciežnaj sistemy «Biełkart» usich biełaruskich bankaŭ. Dla raźlikaŭ možna vykarystoŭvać i smartfon z ustalavanym dadatkam «Biełkart Pay».
Z momantu zapusku prajektu praviedziena bolš za 5800 tranzakcyj z vykarystańniem bankaŭskich kartak.
Bieskantaktnaja apłata prajezdu bankaŭskaj kartkaj realizavana i ŭ Mahilovie. Technałohiju ŭžo ŭkaranili na ŭsich haradskich tralejbusach, i papularnaść apłaty prajezdu kartkami ŭ horadzie imkliva raście. Tolki ŭ kastryčniku ŭ Mahilovie trymalniki kartak «Biełkart» apłacili bieskantaktna bolš za 250 000 pajezdak. Na smartfony z dadatkam «Biełkart Pay» prapadaje bolš za 11 000 apłat.
U ciapierašni čas da apłaty prymajucca ŭsie karty Biełarusbanka, a taksama płaciežnaj sistemy «Biełkart» bankaŭ-rezidentaŭ. Apłacić prajezd mahčyma i dadatkam «Biełkart Pay». Płanujecca, što mahčymaść bieskantaktnaj apłaty na ŭsich vidach hramadskaha transpartu budzie realizavana ŭžo ŭ 2026 hodzie.
«Takija technałohii dastatkova zapatrabavanyja siarod trymalnikaŭ kartak, pakolki dazvalajuć padtrymlivać zvykły płaciežny kamfort pry apłacie transpartu. My bačym heta na prykładzie Mahilova, jaki byŭ pieršaprachodcam. Ciapier apłata kartkami karystajecca tam vielizarnaj papularnaściu. Paśpiachovym akazaŭsia i piłotny prajekt u Minsku. Nastupny krok — jaho maštabavańnie na ŭsie vidy hramadskaha transpartu. Tady chutka i zručna płacić kartkaj za prajezd zmohuć sotni tysiač staličnych pasažyraŭ štodnia», — adznačajuć u płaciežnaj sistemie «Biełkart».
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary