Viadomaha Z-błohiera, jaki raskrytykavaŭ Pucina za adklučeńnie internetu, adpravili ŭ miasny šturm
Ruski Z-błohier i vajenkar Jahor Huzienka, viadomy pad psieŭdanimam «Trynaccaty», z kanca krasavika pierastaŭ vychodzić na suviaź. Pavodle paviedamleńniaŭ jaho telehram-kanała, heta adbyłosia nieŭzabavie paśla taho, jak jon publična raskrytykavaŭ Uładzimira Pucina za adklučeńni mabilnaha internetu i suviazi, piša The Moscow Times.
Jak śćviardžajuć aŭtary kanała, paśla hetych vykazvańniaŭ u Huzienki nibyta zabrali telefon i adpravili jaho na pieradavuju, u tak zvany «miasny šturm». Taksama paviedamlajecca, što ŭ jaho byli surjoznyja prablemy sa zdaroŭjem paśla traŭmy nahi, jakaja nie paśpieła zahaicca.
Pierad źniknieńniem błohier sapraŭdy apublikavaŭ rezki dopis, dzie zajaviŭ, što abmiežavańni internetu nie dapamahajuć biaśpiecy i nie vyrašajuć prablemy ni z telefonnymi machlarami, ni z vajennymi dziejańniami. Jon taksama śćviardžaŭ, što stračvaje davier da kiraŭnictva Rasii, i krytykavaŭ miery ŭładaŭ.
Heta nie pieršy kanflikt Huzienki z rasijskimi ŭładami. Raniej jon užo rabiŭ žorstkija zajavy ŭ adras Pucina i pahražaŭ akcyjami pratestu. U 2024 hodzie jaho zatrymlivali ŭ Staŭrapalskim krai pa kryminalnaj spravie ab hvałcie ŭ adnosinach da pradstaŭnika ŭłady, ale paśla jon padpisaŭ kantrakt z rasijskim Minabarony i adpraviŭsia na vajnu.
«Adbityja nyrki — samaje lohkaje». Z-błohier «Trynaccaty» zajaviŭ, jak jaho katavali ŭ SIZA z-za kanfliktu z «Achmatam»
Z-błohier «Trynaccaty», jaki krytykavaŭ Minabarony i Kreml, zamiest suda pajedzie na vajnu
Na rasijskaha vajennaha błohiera «Trynaccataha» zaviali kryminalnuju spravu
U Rasii žorstka zatrymali vajennaha błohiera «Trynaccataha»
Ciapier čytajuć
«Fanaty stajali ŭ čerhach jašče da adkryćcia restaranaŭ». Šalenstva ź birulkami fiej na sumki, jakija vypuściła piceryja9
Kamientary