Z-błohier «Trynaccaty», jaki krytykavaŭ Minabarony i Kreml, zamiest suda pajedzie na vajnu
Błohiera, jaki sistematyčna krytykuje rasijskaje Minabarony za drennaje viadzieńnie vajny, žorstka zatrymali na śviacie ŭ pačatku kastryčnika.
Jahora Huzienku 5 kastryčnika žorstka zatrymali na vulicy ŭ Novapaŭłaŭsku Staŭrapolskaha kraju Rasii prosta padčas kancertu z nahody Dnia horada.
Na videa, jakoje zavirusiłasia ŭ siecivie, Huzienka, jakoha pakłali tvaram u asfalt, uspaminaje ŭsie viadomyja jamu nie zusim cenzurnyja słovy.
Spačatku paviedamlałasia, što jaho zatrymali pa administratyŭcy za narkotyki. Potym stała viadoma, što błohiera abvinavačvajuć u napadzie na palicejskaha. Adnak da suda sprava, miarkujučy pa ŭsim, nie dojdzie.
Siońnia kanał «Trynaccaty» paviedamiŭ, što sud zadavoliŭ prašeńnie Huzienki ab adpraŭcy na front. Z-błohier zaklučyŭ kantrakt ź Minabarony i pajedzie na vajnu ŭ składzie šturmavoha padraździaleńnia.
Jahor Huzienka ŭdzielničaŭ u vajnie z Ukrainaj z samaha jaje pačatku ŭ 2014 hodzie, vajujučy na Danbasie. Adnak, viartajučysia ŭ Rasiju, pavodziŭ siabie daloka nie cicha, z-za čaho ŭ jaho ŭźnikali prablemy.
Viadoma, što ŭ 2022 hodzie Huzienka ŭžo znachodziŭsia pad chatnim aryštam, ale parušyŭ mieru strymańnia i samavolna pajechaŭ na vajnu z Ukrainaj, paśla čaho byŭ abvieščany ŭ fiederalny vyšuk.
A zatrymali jaho vosieńniu 2021 hoda ŭ Sankt-Pieciarburhu paśla bojki z tryma mužčynami. Błohier tady zajaŭlaŭ, što adbivaŭsia ad ich z aerazolnym pistaletam, a ŭ adździele palicyi, kudy jaho dastavili, prabiŭ ścianu, sprabujučy źniać kajdanki.
U błohiera amal 300 tysiač padpisčykaŭ, i jon adzin z tych rasijskich vajenkoraŭ, jakija, choć i paśladoŭna prytrymlivajucca šavinistyčnaj i antyŭkrainskaj pazicyi, ale mohuć žorstka krytykavać i rasijskich vajskoŭcaŭ, i cyvilnyja ŭłady, zakranajučy prynamsi ŭskosna navat samoha Pucina. Nie tak daŭno Huzienka, naprykład, adrazu ŭ niekalkich pastach pravodziŭ dumku, što «zdradniki siadziać u Kramli».
Na rasijskaha vajennaha błohiera «Trynaccataha» zaviali kryminalnuju spravu
U Rasii žorstka zatrymali vajennaha błohiera «Trynaccataha»
«Usio, što ciapier adbyvajecca, heta zdrada. Zdradniki siadziać u Kramli». U Rasii ŭzbuntavaŭsia Z-błohier
«Bł*darusy — nacyja zdradnikaŭ i parazitaŭ». Z-kanały ŭ šalenstvie ad rašeńnia Łukašenki advieści vojski ad Ukrainy
U internet źlili pierapisku Kavaleŭskaha i Cichanoŭskaj. Ale kancoŭ nie znajści31
Kamientary
Bahdan Chmialnicki, typu taho, padpisaŭ niekali "hłybokuju" intehracyju z
ardoj ... Ukrainskija historyki kažuć, što Chmialnicki ničoha nie
padpisvaŭ, i ŭsio heta chłuśnia! I papier nijakich nie było i niama! A maskoŭcy
kažucu, što Chmialnicki -- padpisvaŭ, ale papiery nie zachavalisia bo mol
ich pajeła. A ŭ vyniku što? Ukraina-Ruś na doŭhija stahodździ patrapiła pad
maskoŭski bot. Maskoŭskaja arda skrała nazvu Ukrainy -- Ruś, usiu jaje
historyju, mitalohiju, kulturu i vydaje jaje za svaju. Uziać by taho kniazia
Uładzimira, jaki, nibyta, chryściŭ maskavitaŭ, jašče i pomniki jamu nachabna
staviać. A dalej i zhadvać nie chočacca.... Balšicki džychad , akupacyja BNR
, vajna z Polšaj , Estonijej , Finlandyjej, Haładamor, represii, Kurapaty, hienacyd,
Novaja emperyja , alehrachi, karupcyja , empieryjalizm ...I narešcie zachop 1/3 Azierbałdžana, Mołdovy, Hruzii , anieksija Kryma, vajna na Dambase, vajna, vajna ....