U abłasnych haradach Biełarusi prarasijskija aktyvisty praviali «Bieśśmiarotnyja pałki»
Prarasijskim aktyvistam udałosia dałučyć šeście «Bieśśmiarotny połk» da aficyjnaj akcyi «Biełaruś pamiataje» ŭ abłasnych haradach Biełarusi. Pra heta paviedamili rasijskaje pasolstva ŭ Biełarusi i pradstaŭnictvy «Rassupracoŭnictva». Pry hetym biełaruskija dziaržaŭnyja miedyja pra «Bieśśmiarotny połk» amal nie zhadvali, piša Reform.news.
U Hrodnie abjadnanuju kałonu ŭznačalili pradstaŭniki rasijskaha hienkonsulstva i «Ruskaha doma». Pavodle arhanizataraŭ, u šeści ŭdzielničała šmat ludziej z partretami svaich rodnych, jakija vajavali ŭ Druhoj suśvietnaj vajnie. Padčas šeścia hučali viadomyja vajennyja pieśni, jakija ŭdzielniki śpiavali razam.
U Viciebsku ŭ akcyi, što prajšła ŭ miežach «Biełaruś pamiataje», udzielničali supracoŭniki rasijskaha pasolstva.
Pra padobnaje šeście paviedamili taksama ŭ Breście, dzie razam išli ŭdzielniki dźviuch akcyj, pradstaŭniki delehacyj i žychary horada.
U Mahilovie, pavodle rasijskaha pasolstva, u mierapryjemstvie ŭdzielničali nie tolki miascovyja žychary, ale i hości z Maskvy.
U Homieli ŭ šeści «Bieśśmiarotnaha pałka» ŭdzielničali supracoŭniki rasijskaha pasolstva i «Ruskaha doma». Arhanizatary padkreślivali, što akcyja simvalizuje pamiać pra pieramohu i pierajemnaść pakaleńniaŭ.
Miarkujučy pa fota i videa z padziej, nidzie hetyja akcyi nie byli asabliva šmatlikija.
Sputnik Biełaruś taksama apublikavaŭ videa ź Minska, dzie ŭdzielniki akcyi raskazvali pra svaich svajakoŭ, što ŭdzielničali ŭ vajnie. U kadry byli ludzi z partretami rodnych i Iosifa Stalina.
Raniej prarasijski aktyvist Andrej Hieraščanka zaklikaŭ biełaruskija ŭłady aficyjna ŭklučyć «Bieśśmiarotny połk» u akcyju «Biełaruś pamiataje». Jon śćviardžaŭ, što heta pavinna padkreślić adzinstva Biełarusi i Rasii ŭ śviatkavańni Dnia Pieramohi. Pavodle jaho, taki farmat užo vykarystoŭvaŭsia ŭ 2024 i 2025 hadach.
Razam z tym niadaŭna stała viadoma, što Minharvykankam nie dazvoliŭ praviadzieńnie asobnaha šeścia «Bieśśmiarotnaha pałka» ŭ Minsku 9 maja.
Kamientary
Nacisty i fašisty 30-50-ch hodov, kak i kommunisty sralina, točno tak žie provodili diemonstracii i šiestvija, pod svoimi simvołami.
I da, ispolzujemaja simvolika na etich šiestvijach, nie imiejet nikakoho otnošienija k biełarusam i biełaruskomu, ona napołniena simvolikoj Rośsijskoj Impierii, jejo naślednika SSSR, da pridumannymi sisvołami pod nuždy Łuhandonii, Donbabvie, Pridniestrov́ja i takoj žie, pridumannoj, dla etich žie cielej i zadač, familnoj, łukašienkovskoj simvolikoj v Biełarusi, vsia eta simvolika imiejet priamoje otnošienije k okkupacionnomu riežimu Rośsii na zachvačiennych jeju tierritorijach i jejo marionietkam, kotoryje dieržat vłasť na okkupirovannych Rośsijej tierritorijach.