Łukašenkaŭcy zapuścili fłešmob #mojściahmojstyl. Dałučylisia Cichanoŭskaja, Sieviaryniec, Laŭčuk
Ułady pasprabavali napoŭnić Threads čyrvona-zialonymi ściahami. U vyniku stužka sacsietki pieratvaryłasia ŭ bieł-čyrvona-biełuju.
Darečy, ad samaha pačatku ideołahi nie zmahli karektna sfarmulavać ideju fotafłešmoba. Bo jaki sens maje spałučeńnie słoŭ ściah i styl? «Hrodzienskaja praŭda» sprabavała rastłumačyć čytačam: «Stylova, jakasna i maksimalna pa-biełarusku. Pahadziciesia, takija rečy kruta dapoŭniać luby harderob!».
Ale pry hetym zaklikała zrabić fota niejkaj prastory, dzie čyrvona-zialony ściah visić na bačnym miescy. U adnym z varyjantaŭ nazvy fłešmobu jość jašče i słova «pakoj» — i hučyć jana tak: «Moj ściah. Moj styl. Moj pakoj».
Tamu dobraachvotna-prymusovym udzielnikam zastavałasia tolki hadać, ci sapraŭdy treba rabić fota ŭ svaim pakoi, ci heta niepiśmiennyja ideołahi prosta nie zdoleli pravilna pierakłaści z ruskaj movy słova «pokoj».
Patrochu ŭ Threads pačali źjaŭlacca zdymki z čyrvona-zialonymi ściahami. Šmat kamu z udzielnikaŭ dziela hetaha pryjšłosia śpiecyjalna stvarać akaŭnt u hetaj sacyjalnaj sietcy.
Chtości publikavaŭ zdymki z adnolkavym tekstam (tolki na roznych movach) — imavierna, spuščanym źvierchu.
Nakolki na adčapisia biełarusy ŭdzielničali ŭ praŭładnym fłešmobie śviedčyć toj fakt, što navat nie kožny zdoleŭ pravilnym bokam chucieńka paviesić na ścianu łukašenkaŭski ściah.
Niechta prasiŭ svajo dzicia patrymać ściah. Ale i ŭ hetych vypadkach nie abyšłosia biez kurjozaŭ. Na adnym sa zdymkaŭ paziruje chłopčyk hadoŭ dziesiaci — praz tonkuju tkaninu ściaha bačna, što za im haryć manitor z hulnioj. Kamientatary žartujuć, što dzicia zrabiła b usio, što zaŭhodna, tolki b maci dazvoliła praciahnuć hulać.
Sapraŭdnuju masavaść fłešmobu zabiaśpiečyli biełarusy, jakija nie padtrymlivajuć dyktaturu. Svaje fotazdymki pad chešteham #mojściahmojstyl apublikavali demakratyčnaja lidarka Śviatłana Cichanoŭskaja, Pavieł Sieviaryniec dy Anatol Labiedźka, śpiavačka Marharyta Laŭčuk, piśmieńnica Hanna Złatkoŭskaja, błohierka Volha Takarčuk i šmat prostych biełarusaŭ i biełarusak.
Pieramohu bieł-čyrvona-biełaha ściaha vymušany byli pryznać navat jabaćki. Pad fota z čyrvona-zialonym ściaham možna pabačyć kamientary, u brydkich frazach ludzi radujucca: «Narešcie chacia b naš ściah u stužcy. Zadziaŭbli bčb-niačyściki».
Treba adznačyć, što bolš čyrvona-zialonych ściahaŭ možna pabačyć u instahramie. Ale tam fotazdymki publikujuć roznyja dziaržaŭnyja ŭstanovy kštałtu škoł, balnic i pradpryjemstvaŭ, a taksama jačejki BRSM.
Žančynam dali kamandu radavacca: na zajavu Łukašenki adreahavali prapahandystki dy štatnyja pryhažuni
U Homieli nie dazvolili fłešmob prychilnikaŭ Łukašenki, a adpravili na palihon
«Ja člen vybarčaj kamisii i hetym hanarusia». Łukašysty ładziać novy fłešmob
Školnaje načalstva znoŭ raźviali: ciapier fejkavym fłešmobam «Biełaruś za mir!»
Ciapier čytajuć
U 2021 hodzie vypusknica admoviłasia pacisnuć ruku Hihinu na ŭručeńni dypłoma. Ciapier BDU nie choča jaho paćviardžać6
Kamientary
Sapraŭdy navošta hety/taki "kreatyŭ" zaraz minavita,kali možna niejak inakš?