U Homieli nie dazvolili fłešmob prychilnikaŭ Łukašenki, a adpravili na palihon
Homielskaja hrupa prychilnikaŭ Alaksandra Łukašenki, jakaja źbirałasia pravieści ŭ ludnym miescy na vulicy Mazurava «patryjatyčny aŭtafłešmob», ale była vymušana jaho admianić «z-za adsutnaści finansavańnia», atrymała novaje miesca dla arhanizacyi akcyi, heta ŭskraina Homiela.
Mierapryjemstva projdzie 23 krasavika na zakrytaj terytoryi vučebna-trenirovačnaha palihona MNS na vulicy Abjeznaj, daviedaŭsia Fłahštok u adnym z čataŭ.
Udzielniki chočuć vystrojvać svaje aŭtamabili ŭ fihuru ŭ vyhladzie miedala «Hieroj Savieckaha Sajuza», źniać videa z drona i pryśviacić hetuju akcyju «80-hodździu z Dnia Pieramohi savieckaha naroda ŭ Vialikaj Ajčynnaj vajnie».
Raniej Fłahštok paviedamlaŭ, što praŭładny fłešmob płanavali pravieści na placoŭcy kala Ladovaha pałaca, ale milicyja zapatrabavała bujnuju sumu za supravadžeńnie akcyi, tamu inicyjataram daviałosia admovicca ad svajoj idei.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy88
Kamientary