U kasy Nacyjanalnaha banka Biełarusi nieŭzabavie pačnuć pastupać pamiatnyja maniety naminałam 1 i 10 rubloŭ, vypuščanyja jašče ŭ kancy 2025 hoda. Heta maniety ź sieryi «Ptuška hoda», pryśviečanyja šeraj varonie, piša Myfin.by.
Maniety vykananyja ŭ dvuch varyjantach: bolš tannyja miedna-nikielevyja i daražejšyja srebnyja.
U abaračeńnie maniety pastupiać 12 maja. Častku možna budzie nabyć u Minsku pa adrasie vulica Tałstoha, 6, dzie znachodzicca punkt prodažu Nacbanka.
Maniety adroźnivajucca i pa košcie: miedna-nikielevyja naminałam 1 rubiel buduć kaštavać kala 40 rubloŭ, a srebnyja naminałam 10 rubloŭ — kala 320 rubloŭ.
Tyraž taksama abmiežavany: kala 7 tysiač miedna-nikielevych i 2 tysiačy srebnych maniet. Pry hetym jany źjaŭlajucca zakonnym płaciežnym srodkam i pavinny prymacca pa naminale, choć faktyčny košt kalekcyjnych vyrabaŭ značna vyšejšy.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam23
Kamientary