Жыхар Брэстчыны, які працаваў жывёлаводам у начныя змены, паказаў свой заробак у TikTok. Як высветлілася, ён не адзіны, хто зарплатай не задаволены.
У Брэсцкім раёне жывёлавод з СВУ «Даманава» (Брэстаблгаз) выклаў у TikTok відэа з уласным разліковым лістком. Заробак за начныя змены, якія звычайна аплачваюцца вышэй, склаў у яго каля 720 рублёў. Менавіта гэтыя лічбы і сталі шокам для многіх гледачоў, піша BGmedia.
«Ні разу не атрымліваў нармальнага заробку»
Мужчына расказаў, што адпрацаваў на прадпрыемстве больш за год і, паводле яго слоў, ні разу не бачыў годнай аплаты. Больш за тое, як сцвярджае аўтар, яго пазбавілі надбавак, што яшчэ больш зменшыла канчатковы заробак.
У відэа ён паказаў афіцыйны разліковы дакумент, дзе максімальная сума за месяц не перавышае 720 рублёў.
«Працую вартаўніком і жывёлаводам адначасова»
Пад публікацыяй хутка з’явіліся дзясяткі каментароў ад людзей, якія працуюць у аналагічных умовах. І многія з іх пішуць, што сітуацыя — тыповая для сельскай гаспадаркі:
- «Працую гэтак жа. Маю 626 рублёў. Я і вартаўнік, і жывёлавод разам. З 16:00 да 8:00. І мінімальны заробак нам не плацяць».
Іншы чалавек піша:
- «На ферме пяць адрын, і працаваць даводзіцца на ўсіх аднаму. Атрымліваем каля 1000 рублёў, хоць раней былі два вартаўнікі на той жа працы».
У каментарах знайшліся і людзі, якія не паверылі, што ў Беларусі могуць плаціць так мала. На што іншыя раілі:
- «Не верыце — ідзіце самі працаваць у калгас і паглядзіце».
Некаторыя каментатары адзначаюць, што людзі не маюць інструментаў, каб адстойваць свае правы, таму адзінае, што ім застаецца — ісці ў сеткі і паказваць зарплатныя лісткі, спадзеючыся на рэакцыю грамадства.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары