Biełaruski bienzin chłynuŭ u Rasiju: biržavyja pastaŭki rastuć rekordnymi tempami
Biełaruś praciahvaje istotna naroščvać ekspart bienzinu na rasijski rynak: u kastryčniku pastaŭki ajčynnaha paliva praź biržu znoŭ rekordna pavialičylisia.
Zhodna z danymi pradstaŭnika Sankt-Pieciarburhskaj mižnarodnaj tavarna-syravinnaj biržy, abjom biržavych tarhoŭ biełaruskim palivam na placoŭcy ŭ kastryčniku dasiahnuŭ 36 480 ton, piša myfin.by. Hetyja pakazčyki ŭ 47 razoŭ pieravysili ŭzrovień, dasiahnuty ŭ anałahičnym pieryjadzie minułaha hoda.
Dynamika pastavak demanstruje ŭstojlivy trend na pavieličeńnie: u paraŭnańni ź vieraśniem hetaha hoda abjom tarhoŭ vyras amal u try razy.
Pry hetym u pieršy miesiac vosieni pastaŭki ŭžo składali 13 440 ton, što na 20% bolš, čym za anałahičny pieryjad papiaredniaha hoda.
Listapad praciahvaje hetuju dynamiku — za pieršyja 19 dzion miesiaca na biržy było pradadziena 21 720 ton biełaruskaha bienzinu.
Taki abjom prodažaŭ za niapoŭny miesiac listapada ŭ siem razoŭ pieravyšaje pakazčyk za supastaŭny pieryjad minułaha hoda.
Kamientary