Izrail nanios avijaŭdary pa kamandnych centrach «Chiezbały» ŭ Livanie
U vyniku izrailskich avijaŭdaraŭ pa ŭschodzie Livana zahinuli vosiem pradstaŭnikoŭ hrupoŭki «Chiezbała», u tym liku miascovyja kamandziry. Pra heta paviedamili infarmahienctvy sa spasyłkaj na pradstaŭnika arhanizacyi, piša Euronews.
Udary byli naniesienyja pa rajonie kala nasielenych punktaŭ u dalinie Baalbieka, dzie byŭ častkova razburany trochpaviarchovy budynak.
Izrailskaja armija paćvierdziła, što atakavała niekalki kamandnych centraŭ «Chiezbały», zajaviŭšy, što likvidavanyja asoby rychtavali ataki suprać Izraila i zajmalisia adnaŭleńniem bajavoha patencyjału hrupoŭki. Pavodle izrailskaha boku, takija dziejańni parušajuć damoŭlenaści pamiž Izrailem i Livanam.
Siarod zahinułych — Chusiejn Jahi, syn adnaho z zasnavalnikaŭ «Chiezbały» i paplečnika jaje byłoha lidara Chasana Nasrały, jaki zahinuŭ u 2024 hodzie ŭ vyniku izrailskaha ŭdaru.
U toj ža čas Ministerstva achovy zdaroŭja Livana paviedamiła, što ŭ vyniku apošnich udaraŭ u rehijonie zahinuli 10 čałaviek, u tym liku troje dziaciej, jašče kala dvaccaci atrymali ranieńni.
Niahledziačy na pieramirje, jakoje dziejničaje ź listapada 2024 hoda i było dasiahnuta pry pasiarednictvie ZŠA, izrailskija ŭdary pa Livanie praciahvajucca amal štodnia. Pahadnieńnie pavinna było spynić bajavyja dziejańni, jakija ŭzmacnilisia paśla atak «Chiezbały» ŭ adkaz na izrailskuju apieracyju ŭ siektary Haza, raspačatuju paśla napadu CHAMAS 7 kastryčnika 2023 hoda.
Izrail zajaŭlaje, što nanosić udary vyklučna pa vajskovaj infrastruktury i členach hrupoŭki, kab nie dapuścić jaje pieraŭzbrajeńnia. Ułady Livana śćviardžajuć, što ŭ vyniku izrailskich atak paśla ŭviadzieńnia režymu spynieńnia ahniu hinuć i mirnyja žychary.
Ciapier čytajuć
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra17
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy2929
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy29
«Vykopvała nievialikija jamki, źbirała mutnuju daždžavuju vadu i piła jaje». Piensijanierka, jakaja dva tydni błukała pa lesie, raskazała, jak joj udałosia vyžyć22
Kamientary