Jochanies Kłeba zavajavaŭ šosty załaty miedal na Alimpijadzie-2026 i 11‑y ŭ karjery
Kłeba zdabyŭ šeść załatych miedaloŭ z šaści na Alimpijadzie-2026. Heta absalutny rekord.
Siońnia niaŭrymślivy narviežac vyjhraŭ honku na 50 km. Jon usie dźvie hadziny trymaŭsia ŭ hrupie lidaraŭ, a za apošnija mietraŭ 300‑400 da finišu apiaredziŭ suajčyńnika Marcina Loŭstrema Niuenhieta.
Kłeba prabieh 50 km za 2 hadziny i 7,1 siekundy, adstavańnie Niuenhieta skłała 17,5 siekundy, bronza taksama ŭ narviežca Emila Iviersena (+46.5 siekundy).
U narviežcaŭ 18‑ie zołata na Alimpijadzie.
Kłeba na hetaj Alimpijadzie vyjhraŭ usie załatyja miedali ŭ indyvidualnych dyscyplinach (aproč siońniašniaj honki, taksama skijatłon, kłasičny sprynt, raździelny sprynt), a taksama kamandny sprynt i zavajavaŭ zołata ŭ składzie kamandnaj estafiety.
U Jochanesa heta 11‑y załaty miedal na Alimpijadach pačynajučy z 2018 hoda. U Miłanie pa kolkaści najvyšejšych uznaharod jon abahnaŭ łyžnikaŭ Maryt Bjorhien, Bjorna Deli i bijatłanista Ule-Ejnara Bjorndalena, u jakich pa vosiem załatych miedaloŭ, ale jany zaviaršyli karjeru.
Sa spartoŭcaŭ, što vystupajuć zaraz, pa siem załatych miedaloŭ majuć para niemcaŭ Tobias Arlt i Tobias Viendl u sannym sporcie. Na hetaj Alimpijadzie jany ŭziali zołata ŭ estafiecie i vyjhrali bronzu ŭ parnych spabornictvach.
Kamientary