U Frankfurcie nadrukavali samy vialiki vybarčy biuleteń u Hiermanii
Da municypalnych vybaraŭ u Hiesenie 15 sakavika ŭ Frankfurcie padrychtavali rekordny biuleteń: jaho šyrynia składaje 1,44 mietra, a daŭžynia — 60 santymietraŭ. U śpisie — 1120 kandydataŭ ad 22 partyj.

Kala 516 tysiač vybarščykaŭ zmohuć pastavić da 93 adznak pavodle kolkaści miescaŭ u haradskim parłamiencie, piša Bild.
Padlik hałasoŭ stanie niaprostaj zadačaj: pavodle źviestak haradskich uład, kala 7000 vałancioraŭ buduć pracavać nad hetym da 12 dzion. Sam biuleteń bolšy za standartnuju kabinu dla hałasavańnia, tamu vybarščykam rekamiendujuć składać jaho «pavodle pryncypu aryhami», kab było zručniej stavić adznaki.
Pamier tłumačać nie tolki kolkaściu partyj, ale i patrabavańniami da roŭnaści: praz doŭhija proźviščy, u tym liku padvojnych i z dvaranskimi tytułami, usie radki pavinny być adnolkavaj šyryni.
U vyniku biuleteń staŭ na 20 santymietraŭ šyrejšy, čym na vybarach 2021 hoda.
Kamientary