Да муніцыпальных выбараў у Гесэне 15 сакавіка ў Франкфурце падрыхтавалі рэкордны бюлетэнь: яго шырыня складае 1,44 метра, а даўжыня — 60 сантыметраў. У спісе — 1120 кандыдатаў ад 22 партый.
Каля 516 тысяч выбаршчыкаў змогуць паставіць да 93 адзнак паводле колькасці месцаў у гарадскім парламенце, піша Bild.
Падлік галасоў стане няпростай задачай: паводле звестак гарадскіх улад, каля 7000 валанцёраў будуць працаваць над гэтым да 12 дзён. Сам бюлетэнь большы за стандартную кабіну для галасавання, таму выбаршчыкам рэкамендуюць складаць яго «паводле прынцыпу арыгамі», каб было зручней ставіць адзнакі.
Памер тлумачаць не толькі колькасцю партый, але і патрабаваннямі да роўнасці: праз доўгія прозвішчы, у тым ліку падвойных і з дваранскімі тытуламі, усе радкі павінны быць аднолькавай шырыні.
У выніку бюлетэнь стаў на 20 сантыметраў шырэйшы, чым на выбарах 2021 года.
Каментары