Udzielniki hurta Litesound vyjechali z chatniaj chimii i skaryli žury na konkursie talentaŭ u Litvie
«My tut z našaj maci, ale naš baćka da hetaha času nie vyzvaleny».
Hurt Litesound, jaki pradstaŭlaŭ Biełaruś na Jeŭrabačańni ŭ 2012 hodzie, vystupiŭ na konkursie talentaŭ u Litvie. Chłopcy vykanali adnu z najlepšych piesień XX stahodździa — Imagine Džona Lenana. Braty Karakiny začaravali členaŭ kamisii i, mahčyma, trapiać u finał, piša TV3.lt
«Choć my i znachodzimsia ŭ Litvie, nam davodzicca być vielmi aściarožnymi ŭ svaich słovach. My tut z našaj maci, ale naš baćka da hetaha času nie vyzvaleny», — skazaŭ Uładzimir Karakin, adzin z salistaŭ.
U sakaviku 2023 hoda bratoŭ Karakinych i ich baćkoŭ adpravili na chatniuju chimiju pa č. 1 st. 342 KK (Arhanizacyja i padrychtoŭka dziejańniaŭ, hruba parušajučych hramadski paradak, albo aktyŭny ŭdzieł u ich) i č. 2 st. 295 KK (Niezakonnyja dziejańni ŭ adnosinach da ahniastrelnaj zbroi, bojeprypasaŭ i vybuchovych rečyvaŭ, da siami hadoŭ pazbaŭleńnia voli).
Muzykantam i ich maci pryznačyli dva z pałovaj hady, a baćku — try hady. U SIZA ŭ Karakina-starejšaha zdaryŭsia insult, z taho času jon znachodziŭsia doma. Astatnija členy siamji da prysudu ŭtrymlivalisia ŭ SIZA na Vaładarskaha.
Kamientary