Łukašenka paskardziŭsia, što situacyja ŭ Biełarusi «padobnaja da abłožanaj krepaści»
Na zachodnich miežach ADKB narastajuć vajennyja ryzyki i pahrozy, a zachodnija palityki «metanakiravana rychtujucca da vajny», zajaviŭ Alaksandr Łukašenka ŭ Biškieku na samicie Arhanizacyi Dahavora ab kalektyŭnaj biaśpiecy.
«Pa pierymietry miežaŭ ADKB narastajuć vajennyja ryzyki i pahrozy, asabliva na zachodnim fłanhu arhanizacyi, dzie, zdavałasia b, pavinna zachoŭvacca adekvatnaja i stabilnaja situacyja. Situacyja padobnaja na abłožanuju krepaść, u jakoj siońnia žyvie Biełaruś», — skazaŭ Łukašenka.
Jon adznačyŭ, što sukupnyja vydatki krain NATA na abaronu ŭ 2025 hodzie składuć kala $1,6 trłn. Hiermanija maje namier surjozna pavialičyć vajskovyja vydatki. Polšča, u svaju čarhu, u 2026 hodzie vydzielić na abaronu amal $55 młrd (kala 5% VUP) i stanie lidaram NATA pa hetym pakazčyku. Kolkaść jaje ŭzbrojenych sił užo pieravysiła 200 tysiač čałaviek, kaža jon. Pa tempach rostu nie mocna adstajuć ad Varšavy i krainy Bałtyi.
«Usio vyšejpieraličanaje ŭ sukupnaści z ahresiŭnaj rytorykaj śviedčyć ab tym, što zachodnija palityki metanakiravana rychtujucca da vajny. Nie my, Uładzimir Uładzimiravič [Pucin], rychtujemsia da vajny, a pa ŭsich faktach — jany», — źviarnuŭsia suahresar da pačynalnika vajny suprać Ukrainy.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było55
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było5
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary