Jeŭrapiejski sud pastanaviŭ, što ŭsie krainy Jeŭrapiejskaha sajuza pavinny pryznavać adnapolnyja šluby, kali jany zaklučanyja lehalna ŭ luboj inšaj dziaržavie ES — navat kali ŭnutranaje zakanadaŭstva hetaj krainy takich šlubaŭ nie praduhledžvaje, piša Euronews.
Sudździ padkreślili, što admova ŭ pryznańni takoha šlubu parušaje prava na svabodu pieramiaščeńnia i na pavahu da pryvatnaha i siamiejnaha žyćcia, a taksama moža stvaryć surjoznyja prablemy ŭ štodzionnym, prafiesijnym i administracyjnym žyćci, prymušajučy zarehistravanuju paru faktyčna žyć jak sužycieli.
Padstavaj dla spravy staŭ vypadak dvuch hramadzian Polščy, jakija ŭ 2018 hodzie ŭziali šlub u Bierlinie, a viarnuŭšysia dadomu, paprasili pryznać hety šlub praz polski ZAHS. Im admovili, bo ŭ Polščy adnapołyja šluby nie dazvoleny. Para abskardziła rašeńnie, i paśla hetaha sprava trapiła ŭ Jeŭrapiejski sud u Luksiemburhu.
Sud pastanaviŭ, što hety šlub pavinien pryznavacca na terytoryi ŭsich 27 dziaržaŭ — členaŭ ES. Na dumku sudździaŭ, hramadzianie Jeŭrasajuza majuć prava svabodna pieramiaščacca i vieści narmalnaje siamiejnaje žyćcio jak u inšaj krainie ES, tak i paśla viartańnia na radzimu. Tamu, kali jany stvaryli siamju za miažoj, dziaržava pachodžańnia pavinna pryznać hety fakt.
Pry hetym rašeńnie nie patrabuje, kab krainy źmianiali svaje ŭnutranyja zakony adnosna adnapołych šlubaŭ. Jano tolki abaviazvaje pryznavać takija šluby, kali jany lehalna zaklučanyja ŭ inšaj krainie ES, biez dadatkovych barjeraŭ abo abmiežavańniaŭ.
Bolš za pałovu krain Jeŭrasajuza ŭžo dazvalajuć adnapołyja šluby. Pieršaj takoj dziaržavaj stali Niderłandy jašče ŭ 2001 hodzie. Niekatoryja krainy pryznajuć tolki hramadzianskija partniorstvy, ale Polšča pakul nie pryznaje i ich, niahledziačy na sproby ŭrada ŭmacavać pravy ŁHBTK+.
«Ja skazaŭ «tak». Ukrainski śpiavak Melovin abviaściŭ pra zaručyny z paramiedykam USU FOTY
U Budapiešcie, niahledziačy na zabaronu, z rekordnaj kolkaściu ŭdzielnikaŭ prajšoŭ ŁHBT-prajd
Błohier Vadimati raśpisaŭsia anłajn sa svaim partnioram, ź jakim razam užo bolš za 10 hadoŭ
Bolšaść studentaŭ BDU ličyć prymalnymi homaseksualnaść i adnapołyja šluby
Biełaruski pabralisia pieršym adnapołym šlubam u Litvie
Kamientary