Častku radyjacyjna niebiaśpiečnych terytoryj pierastanuć takimi ličyć
Urad Biełarusi pryniaŭ rašeńnie vyklučyć bolš jak 875 hiektaraŭ ziamli ŭ Vietkaŭskim, Žłobinskim i Čačerskim rajonach Homielskaj vobłaści sa śpisu radyjacyjna niebiaśpiečnych terytoryj. Pra heta śviedčyć dakumient, apublikavany na Pravo.by. Učastki płanujecca pieradać miascovym sielhaspradpryjemstvam.
Rajonnym vykankamam daručana ciaham miesiaca dakładna vyznačyć miežy hetych ziamiel i pieradać ich vaśmi sielskahaspadarčym arhanizacyjam. Adpaviednyja źmieny taksama pavinny być uniesienyja ŭ ziamielny kadastr.
Minsielhascharč budzie nazirać za tym, jak hetyja terytoryi vykarystoŭvajucca, uličvajučy zaklučeńnie śpiecyjalistaŭ. Usia pradukcyja, jakaja budzie vyroščvacca na novych učastkach, abaviazkova projdzie pravierku na ŭzrovień radyjacyjnaha zabrudžańnia.
U 2024 hodzie Ministerstva nadzvyčajnych situacyj paviedamlała, što na terytoryi Biełarusi jość kala 248,8 tysiač hiektaraŭ ziamiel, dzie vytvorčaść čystaj sielskahaspadarčaj pradukcyi niemahčymaja abo abmiežavanaja — z-za nastupstvaŭ avaryi na Čarnobylskaj AES. Na achoŭnyja mierapryjemstvy ŭ hetych rajonach Biełaruś štohod vydatkoŭvaje kala 150 miljonaŭ rubloŭ.
Ciapier čytajuć
Adstaŭny ministr-karupcyjanier pradaje reśpiektabielny katedž kala Drazdoŭ. Prosić $2 miljony4
Kamientary
900 hiektaraŭ heta try na try kiłamietry.
niejkaje łahistyčnaje rašeńnie, chutčej za ŭsio.
Dastatkova aznajomicca ź losam Human Product 12 - zvyčajnaha ciomnaskuraha ("colored man") amierykanskaha budaŭnika-bietonščyka, jaki trapiŭ u DTZ i byŭ vymušany padpisać damovu na miedycynskaje absłuhoŭvańnie z daśledčykami uździejańnia płutonija na arhanizm čałavieka.
HP-12 vyrvali 15-ć zuboŭ. I tym nie mieniej jon znajšoŭ u sabie siły źbiehčy z kliniki i pražyć jašče 4 hady.
Niepasredny kiraŭnik prahramy pa vyvučeńniu uździejańnia płutonija i inšych izatopaŭ na arhanizm čałavieka sam udzielničaŭ u daśledvańniach, piŭ razčyny ź izatopami, i byŭ vymušany pryznać: "toje, što my robim, na moj pohlad, nijak nie adroźnivajecca ad dziejnaści doktara Mienhiele".
Troški bolšuju płošču zojmie palihon vymušanaha adsialeńnia, albo pieravodu na pryvaznuju vadu, u Lelčyckim rajonie, kali budzie pryniataje rašeńnie zdabyvać u Biełarusi uran mietadam padziemnaha śvidravinnaha vyščałačvańnia.
Zabrudžanyja prymysłovym razčynam hruntovyja vody buduć raspaŭsiudžvacca na 2-4 km ad soty - jačejki injekcyjnych i adkačnych śvidravin.
Kantralujuć raspaŭsiud zabrudžanych hruntovych vod z dapamohaj dadatkovych manitorynhavych śvidravin.
Źviarnicie uvahu na nasieleny punkt Rudniščie. Pobač ź im uročyšča - Makiejevy hory.
Hieołahi, jakija ŭ 80-ja znajšli uran na Bałotnickim učastku, zhadvajuć Makiejevahorskaje kupalnaje padniaćcie. Dziakujučy jamu u hetym miescy Kalinoŭskaj paleadaliny da urana bližej na niekalki sotniaŭ mietraŭ.
U nasielenym punkcie Kalinino daŭno nichto nie žyvie.
Z uvodam u ekspłuatacyju zavoda z abstalavańniem aŭstralijskaj kampanii SILEX na terytoryi byłoha hazacentryfužnaha zavoda u štacie Kientukki, stanuć nierentabielnymi zavody kštałtu Novauralskaha elektrachimičnaha kambinata.
Anijakich miechaničnych pryład u mietadzie łaziernaha raździaleńnia izatopaŭ niama. Heta panizić płanku u 50 kWt/SWU u 5 razoŭ.
Pierśpiektyva Biełarusi - palihon dla razhortvańnia čužoj jadziernaj zbroi i vysokija košty na elektraenerhiju z čužoha paliva dla AES sastarełych prajektaŭ.
Anivodnaja ź jadziernych dziaržaŭ nie dapuścić źjaŭleńnia technałohii łaziernaha raździaleńnia izatopaŭ 3-ha pakaleńnia (kala 10 kWt/SWU) u Biełarusi.
Anivodny kampanient dla łaziernaj ustanoŭki, zdolnaj pracavać navat u łabaratornym masštabie, nie budzie pastaŭleny u Biełaruś.