Sajt anłajn-biblijateki «Kamunikat» zaznaŭ mahutnuju chakierskuju ataku
«Chacia, treba pryznać, što ataka źniščyła bolš čym 25‑hadovuju pracu mnohich ludziej, ale my nie zdajemsia», — napisaŭ Jarasłaŭ Ivaniuk.
«Minułaj nočču sajt Biełaruskaj Internet-Biblijateki Kamunikat.org nie vytrymaŭ chakierskaj ataki. Na hety momant sajt nie pracuje. Adnak viestki pra našu śmierć, tak jak i pra śmierć biełaruskaj kultury i movy — jak kazaŭ kłasik — zaŭčasnyja i krychu pierabolšanyja.
Chacia, treba pryznać, što ataka źniščyła bolš čym 25‑hadovuju pracu mnohich ludziej, ale my nie zdajemsia.
Va ŭmovach uzmacnieńnia represij suprać biełaruskaj kultury i movy, Kamunikat.org byŭ nie tolki biblijatekaj, ale i instrumientam abarony kulturnaj spadčyny, jakaja znachodzicca pad pahrozaj, a taksama płatformaj, jakaja padtrymlivaje svabodny dostup da viedaŭ i niezaležnaj tvorčaści. Chakierskaja ataka čarhovy raz paćvierdziła, što Kamunikat — heta važny kulturnicki prajekt, jaki jak sol u voku dla śpiecsłužbaŭ režymu Łukašenki. Budziem zmahacca i adbudujem adzin z najvažniejšych niezaležnych archivaŭ biełaruskaj kultury! Nie vyklučana adnak, što zojmie heta šmat času», — napisaŭ kiraŭnik prajekta Jarasłaŭ Ivaniuk u fejsbuku.
Ciapier čytajuć
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY20
Ajcišnik i były palitviazień Viktar Kuŭšynaŭ pradaje za 850 tysiač jeŭra dom u Partuhalii, jaki pabudavaŭ paŭtara hoda tamu FOTY
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary
Tym bolš tolki što ŭ śniežni była padobnaja ataka z vydaleńniem publikacyj:
https://d2accbiqacj5y8.cloudfront.net/384369
Ja jašče pisaŭ "Dobra, što rabili bekapy. I povad zadumacca tym, chto pra ich zabyvaje."
Sami i nie zadumalisia. Nu jak tak.
I iznoŭ nie dajacie spasyłki na krynicu - fejsbuk Ivaniuka. Ci niama času, ci ličycca rekłamaj?
Nie mahu zrazumieć hety chaos.