Unačy adbyłasia ataka na sajt internet-biblijateki «Kamunikat». Chakiery vydalili niekalki tysiač publikacyj
«Usiu noč my zmahalisia z chakierskaj atakaj na sajt Kamunikat.org», — napisaŭ u fejsbuku zasnavalnik najbuniejšaj biełaruskaj internet-biblijateki Jarasłaŭ Ivaniuk.
«Złamyśnik zdoleŭ atrymać dostup da servisu z uzroŭniu administratara i paśladoŭna vydalaŭ publikacyi i naviny. Kala 2:30 udałosia zabłakavać jahonyja destruktyŭnyja dziejańni. Na žal, jamu ŭdałosia vydalić niekalki tysiač publikacyj i navinaŭ.
Adnak škodu amal całkam udałosia likvidavać: publikacyi byli adnoŭlenyja, a naviny — viernutyja da pačatku kastryčnika. Zaraz praciahvajucca pracy pa adnaŭleńni stanu servisu na ŭčorašni viečar. Spadziajomsia, što ŭsio atrymajecca całkam adnavić», — napisaŭ Jarasłaŭ.
Jon dadaŭ, što pakul nie viadoma, chto stajaŭ za hetaj atakaj.
Biełastačanin Jarasłaŭ Ivaniuk zasnavaŭ internet-biblijateku «Kamunikat» 25 hadoŭ tamu. Heta najbujniejšaja biełaruskaja internet-biblijateka anłajn. Tam źmieščanyja dziasiatki tysiač biełaruskich knih, haziet, časopisaŭ, publikacyj, navin.
Paśla 2020 hoda Jarasłaŭ Ivaniuk zasnavaŭ vydaviectva «Kamunikat», jakoje drukuje papiarovyja knihi, a sam pastajanna jeździć z knihami pa biełaruskich knižnych vystavach i fiestyvalach.
Ciapier čytajuć
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary
vielmi kaštoŭnaja reč, treba pavyvučać
P.S. Stvarajma hodnyja prajekty dy jadnajmasia pad ehidaj Rady BNR – pradstaŭnictva ŭ vyhnańni sumlennaha biełarusa sa stohadovym mandatam!