U Sinhapury ŭłady ŭviali novyja miery suprać školnaha bulinhu. Pavodle rašeńnia miascovaha Ministerstva adukacyi, dla chłopcaŭ ad dzieviaci hadoŭ u niekatorych vypadkach z 2027 hoda budzie dazvalacca navat fizičnaje pakarańnie — łupcavańnie rozhami, paviedamlaje The Guardian.
Takoje pakarańnie možna prymianiać tolki z dazvołu dyrektara škoły. Jaho pavinny pravodzić śpiecyjalna ŭpaŭnavažanyja supracoŭniki, uličvajučy ŭzrost vučnia. Maksimalna dazvolena nanieści nie bolš za try ŭdary.
Pry hetym škoła abaviazanaja sačyć za stanam dziciaci i zabiaśpiečyć jamu psichałahičnuju padtrymku.
Dla dziaŭčynak i ŭ situacyjach, dzie łupcavańnie nie vykarystoŭvajecca, praduhledžanyja inšyja miery: pakidańnie paśla ŭrokaŭ, časovaje adchileńnie ad zaniatkaŭ i źnižeńnie acenki za pavodziny.
U Sinhapury ŭžo daŭno isnuje praktyka cialesnych pakarańniaŭ: zakanadaŭstva zabaraniaje ich dla žančyn, ale dla mužčyn da 50 hadoŭ prysudžanaje sudom łupcavańnie rozhami moža prymianiacca za niekatoryja złačynstvy.
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć34
Kamientary
uhu :/
u siaredniaviečnym rasiejskim Dasmastroje taksama pisałasia, jakoj taŭščyni musić być pałka, jakoj bić žonku i dziaciej, i kolki ŭdaraŭ možna nanieści tak, kab "pavučyć", ale nie zabić