Francuzski junak trapiŭ u Sinhapury pad sud za ablizvańnie sałominki dla soku
U Sinhapury 18‑hadovy padletak z Francyi moža atrymać turemny termin paśla incydentu z aŭtamatam dla prodažu apielsinavaha soku, piša Bi-bi-si.
Pavodle materyjałaŭ śledstva, junak dastaŭ sałominku z aŭtamata, ablizaŭ jaje i viarnuŭ nazad u adsiek dla vydačy. Usio heta jon źniaŭ na videa i vykłaŭ u Instagram. Paźniej rolik šyroka razyšoŭsia ŭ internecie.
Paśla zdareńnia kampanija, jakoj naležyć aŭtamat, paviedamiła, što była vymušana zamianić usie 500 sałominak u adsieku i pravieści sanitarnuju apracoŭku.
Maładoha čałavieka abvinavacili ŭ naŭmysnym psavańni majomaści i stvareńni hramadskaj niazručnaści. Kali jaho pryznajuć vinavatym pa abodvuch punktach, jamu pahražaje bolš za dva hady turmy i vialikija štrafy.
Incydent adbyŭsia 12 sakavika ŭ adnym z handlovych centraŭ Sinhapura. Na videa junak dadaŭ podpis, što horad nibyta «niebiaśpiečny».
Mnohija karystalniki internetu adreahavali na situacyju z abureńniem i ahidaj paśla taho, jak zapis staŭ virusnym.
Viadoma, što abvinavačany vučycca ŭ sinhapurskim filijale biznes-škoły ESSEC. Navučalnaja ŭstanova paviedamiła, što taksama pravodzić unutranuju pravierku.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary