Prapanavali zamacavać zakanadaŭča abaviazak brać udzieł u pierapisie
Abaviazak udzielničać u pierapisie nasielnictva prapanujuć zamacavać na ŭzroŭni zakona. Heta vynikaje z zakonaprajekta ab źmianieńni zakona «Ab pierapisie nasielnictva», jaki siońnia byŭ pryniaty deputatami ŭ pieršym čytańni, piša BiełTA.
«U zakonie «Ab pierapisie nasielnictva» prapanujecca zamacavać prava respandentaŭ viedać metu praviadzieńnia pierapisu nasielnictva i abaviazak prymać u im udzieł», — skazała staršynia Nacyjanalnaha statystyčnaha kamiteta Ina Miadźviedzieva, pradstaŭlajučy zakonaprajekt u Avalnaj zale.
Takim čynam, zamacavańnie abaviazku respandentaŭ udzielničać u hetym mierapryjemstvie dazvolić akcentavać uvahu na nieabchodnaści ŭdziełu ŭ pierapisie nasielnictva, pavysić adkaznaść i śviadomaść pry pradstaŭleńni dakładnych pieršasnych statystyčnych danych, skazała Ina Miadźviedzieva.
Taksama jana siońnia raspaviała, što ŭ kastryčniku 2027 hoda projdzie probny pierapis u Babrujskim rajonie.
Pierapisy nasielnictva ŭ Biełarusi raz na 10 hadoŭ, papiaredni byŭ u kastryčniku 2019 hoda. Pierapis zafiksavaŭ, što ŭ krainie žyło 9 młn 413 tysiač čałaviek. Pavodle pierapisu 2009 hoda, było 9 młn 503,8 tysiač.
Zhodna sa źviestkami Biełstata, na 1 studzienia 2026 hoda ŭ Biełarusi žyło 9 młn 46 tysiač čałaviek.
Kamientary
Sa svajho boku na adkaznaści dziaržavy - dać i hramadzianam hetuju statystyku publična i całkam.
A voś tut nas padmanvajuć, minimum z 2020 hoda.
Kali tolki paśla ŭ sakretnych archivach daśledčyki daviedajucca...