«Alternatyva dla Hiermanii» pakazała rekordna vysoki vynik u apytańniach
Kiroŭny błok CHDS/CHSS u Hiermanii tym časam stračvaje padtrymku.
Ultrapravaja partyja «Alternatyva dla Hiermanii» prademanstravała rekordna vysoki ŭzrovień padtrymki ŭ apytańniach i pavialičyła adryŭ ad kiroŭnaha błoka CHDS/CHSS.
Jak paviedamlaje «Jeŭrapiejskaja praŭda», pra heta śviedčać danyja apytańnia Instytuta sacyjałahičnych daśledavańniaŭ INSA, jakija pryvodzić dpa (bujnoje infarmacyjnaje ahienctva).
Daśledavańnie pakazała, što «AdH» padtrymlivajuć 29% respandentaŭ — heta samy vysoki pakazčyk, jaki kali-niebudź fiksavaŭsia dla hetaj partyi na ahulnanacyjanalnym uzroŭni.
Hety pakazčyk na adzin pracentny punkt pieravysiŭ vynik papiaredniaha tydnia ŭ apytańni, praviedzienym dla niadzielnaha vypusku haziety Bild.
Błok CHDS/CHSS straciŭ adzin punkt i nabraŭ 22% — heta samy słaby vynik u apytańniach INSA za bolš čym čatyry hady.
Partniory kansiervataraŭ pa kaalicyi z SDPH taksama stracili adzin punkt i nabrali b tolki 12% hałasoŭ, kali b u niadzielu adbylisia ŭsieahulnyja vybary.
Razam jany nabrali b tolki 34%, čaho niedastatkova dla parłamienckaj bolšaści.
«Zialonyja» krychu ŭmacavali svaje pazicyi, padniaŭšysia da 14% — heta ich najlepšy vynik pavodle danych INSA za apošnija dva z pałovaj hady.
Partyja «Levyja» straciła adzin punkt, nabraŭšy 10%.
Inšyja sacyjałahičnyja instytuty niadaŭna aceńvali padtrymku «AdH» u dyjapazonie ad 25% da 28%, a kansiervataraŭ — ad 22% da 24%.
INSA pakazvaje maksimalnuju chibnaść u plus-minus 2,9 pracentnaha punkta. Vyniki zasnavanyja na adkazach 1 203 respandentaŭ, apytanych ź minułaha paniadziełka pa piatnicu.
Niadaŭna praviedzienaje apytańnie taksama pakazała, što 47% žycharoŭ Hiermanii vystupajuć za rospusk kiroŭnaj kaalicyi ŭ składzie CHDS/CHSS i SDPH, i bolšaść ź ich chacieli b praviadzieńnia daterminovych vybaraŭ.
Paviedamlałasia taksama, što praz hod paśla prychodu da ŭłady papularnaść kanclera Frydrycha Mierca ŭpała da histaryčnaha minimumu.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary
Levyja-pavyja.. tolki za apošniaje stahodździe hetaje ŭsie niekalki razoŭ pierakuliłasia z noh na hałavu. Darečy ajcy zasnavacieli BNR byli sacyjalistami naprykład.. Kali nie pakidać ludziej na samaciek, a intehravać dzie siłaj,a dzie łaskaj i davać šancy, niachaj baćki debiły ale dzieciam i hd.
Jak pa mnie dy budź ty choć antrapamorfnym marsianinam-hałoŭnaje, jak biełaruski, ciemnaskury muzyka, proźvišča jakoha ja zabyŭ, da majho soramu.