Hienštab USU raskazaŭ, čym atakavaŭ Maskoŭskuju vobłaść. Heta drony ŭkrainskaj raspracoŭki
Hienštab USU paviedamiŭ, što ŭ noč na 17 maja ŭkrainskija drony atakavali ŭ Maskoŭskaj vobłaści pradpryjemstva pa vytvorčaści mikraschiem dla vysokadakładnaj zbroi i naftanaliŭnuju stancyju.
Dla ataki vykarystoŭvalisia ŭkrainskija raspracoŭki — RS-1 «Bars», FP-1 «Firepoint», BARS-SM «GLADIATOR» i inšyja.
«Siarod inšaha ŭražana pradpryjemstva «Anhstrem» u Zielenahradzie Maskoŭskaj vobłaści RF, jakoje śpiecyjalizujecca na vytvorčaści vysokatechnałahičnaj pradukcyi i mikraschiem dla vysokadakładnaj zbroi. Na terytoryi abjekta zafiksavany pažar.
Pradpryjemstva źjaŭlajecca važnym składnikam rasijskaha vajenna-pramysłovaha kompleksu i zadziejničana ŭ vytvorčaści mikraelektroniki, radyjoelektroniki, aptyčnych sistem i robatatechniki dla vajennych patreb voraha.
Taksama ŭ Maskoŭskaj vobłaści ŭražana pompavaja stancyja «Soniečnahorskaja», jakaja źjaŭlajecca krytyčnaj častkaj kalcavoha naftapraduktapravoda vakoł Maskvy i vykarystoŭvajecca dla pierapampoŭvańnia, zachoŭvańnia i adhruzki vialikich abjomaŭ bienzinu i dyzielnaha paliva, u tym liku i dla rasijskaj armii», — havorycca ŭ zajavie ŭkrainskaha Hienštaba.
U noč na 17 maja Maskoŭski rehijon zaznaŭ adnu z samych masiravanych atak bieśpiłotnikaŭ. Niekatoryja bieśpiłotniki ŭdaryli pa pramysłovych abjektach u Padmaskoŭi. Častka padaŭlenych REB bieśpiłotnikaŭ urezałasia ŭ žyłyja damy, viadoma pra čatyroch zahinułych.
Vialikaja ataka dronaŭ na Maskvu i vobłaść. Jość achviary, haryć naftanaliŭnaja stancyja ŭ pryharadzie
Na terytoryi aeraporta Šaramiećcieva paśla nalotu BPŁA pačaŭsia pažar
Uładzimir Zialenski prakamientavaŭ nalot na Maskoŭski rehijon
Maładaja kijeŭskaja para, što zahinuła padčas rasijskaha avijaŭdaru, rychtavałasia da viasiella
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju83
Kamientary
A "ščaślivyja" babuli ź dziadulami buduć vučyć unukaŭ hibrydnaj vajnie.