Tramp zajaviŭ, što Iran i ZŠA praviali «dobryja pieramovy» i ŭ chutkim časie mohuć dasiahnuć pahadnieńnia
Adnak iranski bok heta nijak nie paćviardžaje.
Donald Tramp paćvierdziŭ u sieradu ŭviečary, što Bieły dom adčuvaje aptymizm nakont mahčymaści dypłamatyčnaha ŭrehulavańnia kanfliktu ź Iranam, piša Bi-bi-si.
«Jany chočuć zaklučyć ździełku, — skazaŭ jon žurnalistam u Avalnym kabiniecie. — Za apošnija 24 hadziny ŭ nas byli vielmi dobryja pieramovy, i całkam mahčyma, što my damovimsia».
Charakterna, što Tramp — užo nie pieršy raz — zajaviŭ, niby Iran pahadziŭsia nikoli nie vałodać jadziernaj zbrojaj «razam ź inšymi ŭmovami».
Adnak iranski bok heta nijak nie paćviardžaje.
Prezident ZŠA taksama daŭ zrazumieć, što 30‑dzionny termin dla dasiahnieńnia pahadnieńnia, pra jaki napisali amierykanskija ŚMI, moža być hnutkim. Adkazvajučy žurnalistam na vychadzie, jon skazaŭ, što «nijakich dedłajnaŭ nie isnuje».
Pry hetym administracyja pa-raniejšamu praktyčna nie raskryvaje detalaŭ pieramoŭ, choć Tramp i inšyja čynoŭniki rehularna śćviardžajuć, što jany prachodziać paśpiachova.
I choć Bieły dom praciahvaje namiakać, što nie vyklučany siłavy varyjant vyrašeńnia prablemy, publična tam pa-raniejšamu vykazvajuć upeŭnienaść, što da hetaha nie dojdzie.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»9
Kamientary