Трамп заявіў, што Іран і ЗША правялі «добрыя перамовы» і ў хуткім часе могуць дасягнуць пагаднення
Аднак іранскі бок гэта ніяк не пацвярджае.
Дональд Трамп пацвердзіў у сераду ўвечары, што Белы дом адчувае аптымізм наконт магчымасці дыпламатычнага ўрэгулявання канфлікту з Іранам, піша Бі-бі-сі.
«Яны хочуць заключыць здзелку, — сказаў ён журналістам у Авальным кабінеце. — За апошнія 24 гадзіны ў нас былі вельмі добрыя перамовы, і цалкам магчыма, што мы дамовімся».
Характэрна, што Трамп — ужо не першы раз — заявіў, нібы Іран пагадзіўся ніколі не валодаць ядзернай зброяй «разам з іншымі ўмовамі».
Аднак іранскі бок гэта ніяк не пацвярджае.
Прэзідэнт ЗША таксама даў зразумець, што 30‑дзённы тэрмін для дасягнення пагаднення, пра які напісалі амерыканскія СМІ, можа быць гнуткім. Адказваючы журналістам на выхадзе, ён сказаў, што «ніякіх дэдлайнаў не існуе».
Пры гэтым адміністрацыя па-ранейшаму практычна не раскрывае дэталяў перамоў, хоць Трамп і іншыя чыноўнікі рэгулярна сцвярджаюць, што яны праходзяць паспяхова.
І хоць Белы дом працягвае намякаць, што не выключаны сілавы варыянт вырашэння праблемы, публічна там па-ранейшаму выказваюць упэўненасць, што да гэтага не дойдзе.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары