Bolšaść studentaŭ BDU ličyć prymalnymi homaseksualnaść i adnapołyja šluby
Vyniki niadaŭnich sacyjałahičnych daśledavańniaŭ śviedčać pra istotnyja adroźnieńni ŭ pohladach biełaruskaj i rasijskaj moładzi pa hetych pytańniach.
Vyniki sacyjałahičnaha daśledavańnia «Kaštoŭnasnyja aryjentacyi studentaŭ BiełDU i BDU» byli apublikavany ŭ zborniku navukovych artykułaŭ na vynikach navukovaj kanfierencyi, jakaja prajšła ŭ 2024 hodzie. Aŭtarkami daśledavańnia źjaŭlajucca Jeva Holman i Kaciaryna Zavodčykava, studentki Biełharadskaha dziaržaŭnaha ŭniviersiteta, jakija pa abmienie vučacca ŭ BDU.
Daśledavańnie ŭ rasijskim BiełDU pravodziłasia ŭ sakaviku 2024 hoda, u im pryniali ŭdzieł 100 čałaviek — studenty 3—4 kursaŭ Instytuta hramadskich navuk i masavych kamunikacyj BiełDU. Varta adznačyć, što takaja vybarka zanadta małaja i niedastatkova dla dakładnaha analizu, bo moža mieć vysokuju statystyčnuju pamyłku.
A voś daśledavańnie ŭ biełaruskim BDU było sapraŭdy maštabnym — u listapadzie 2023 hoda ŭ im ananimna ŭziali ŭdzieł 1982 čałavieki. Byli apytanyja studenty 3-4 kursaŭ 15 fakultetaŭ univiersiteta, a taksama Instytuta biznesu i Mižnarodnaha dziaržaŭnaha ekałahičnaha instytuta imia A. Dz. Sacharava. Takoj vybarki bolš čym dastatkova navat dla vielmi vialikich sukupnaściej, što robić vyniki pa BDU nadziejnymi.
Najbolš cikavym pry paraŭnańni vynikaŭ daśledavańniaŭ stała pytańnie adnapołych adnosin, jakoje pakazała najbolšaje adroźnieńnie pamiž rasijskimi i biełaruskimi studentami. Siarod apytanych studentaŭ rasijskaha BiełDU 35% ličać prymalnaj homaseksualnaść, i tolki 32% nazyvajuć prymalnyja adnapołyja šluby.
A voś siarod biełaruskich studentaŭ pohlady pa hetych pytańniach istotna adroźnivajucca. Amal dźvie traciny apytanych studentaŭ BDU — 65,1% — ličać homaseksualnaść prymalnaj, a 61,5% padtrymlivajuć mahčymaść adnapołych šlubaŭ.
Aŭtarki artykuła tłumačać takuju raźbiežku tym, što BDU — heta staličny ŭniviersitet, a BiełDU — usiaho tolki adzin z mnohich rehijanalnych univiersitetaŭ Rasii. Pry hetym pa takich pytańniach jak čajłdfry, abort i mnahažonstva značnych adroźnieńniaŭ pamiž biełaruskimi i rasijskimi studentami nie vyjaŭlena.
«Naša Niva» — bastyjon biełaruščyny
PADTRYMAĆ-
«Na kancertach niama miesca radykalnamu nacyjanalizmu, ahresii i hvałtu». Maks Korž vykazaŭsia nakont skandału, jaki razhareŭsia paśla jaho vystupu ŭ Varšavie
-
Tramp padziakavaŭ «mahutnamu lidaru Biełarusi»: Spadziajusia, što 1300 čałaviek chutka buduć vyzvaleny!
-
«Nie nyjcie! Vaźmicie niejkuju rabotu na siabie». Franak Viačorka žorstka adkazaŭ Knyroviču
Ciapier čytajuć
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!39
Tramp padziakavaŭ «mahutnamu lidaru Biełarusi»: Spadziajusia, 1300 čałaviek chutka buduć vyzvaleny!
Biełaruska arhanizavała adpačynak dla dziaciej palitviaźniaŭ na Łazurnym bierazie. Jana raskazała, jak uciakała z krainy i jak jaje zatrymlivaŭ Interpał88
Kamientary
Cikava jašče, ci jany śpiać u trusach ci nie i jak časta kakajuć? Hetaha nie było ŭ daśledvańni?