Biełaruś zaniała 18‑je miesca ŭ rejtynhu krain z samymi nizkimi cenami na miesiačny prajazny dla hramadskaha transpartu. Partał Numbeo praanalizavaŭ siaredniuju canu miesiačnaha prajaznoha bileta na hramadski transpart i skłaŭ rejtynh. Śpiecyjalisty vydańnia Thinktanks pahladzieli, što ŭ Biełarusi z cenami na prajezd u paraŭnańni ź inšymi krainami.
Prajaznyja ŭ Biełarusi i susiednich krainach
Pa danych na listapad 2025 hoda Biełaruś zaniała 18‑ie miesca z 96 mahčymych u rejtynhu krain pa tannaści prajaznych biletaŭ. Miesiačny prajazny na ŭsie vidy transpartu ŭ Biełarusi kaštuje 14,65 dalara. Jašče ŭ sakaviku 2025 hoda Biełaruś zajmała ŭ hetym rejtynhu 29‑ie miesca.
Z susiednich krain vyšej za Biełaruś raźmiaściłasia tolki Ukraina, jakaja na ahulnym dziaviatym miescy. Tam prajazny na miesiac kaštuje 9,94 dalara. Rasija zaniała 38‑ie miesca z pakazčykam 29,37 dalara. Polšča apynułasia na 46‑m miescy (32,33 dalara), Łatvija — na 50‑m (34,54 dalara), Litva — na 52‑m (34,54 dalara).
Krainy z samymi darahimi i tannymi prajaznymi
Samy vysoki košt miesiačnaha prajaznoha byŭ zafiksavany ŭ Novaj Ziełandyi — 112,18 dalara. Paŭhoda tamu hetaje miesca zajmała Aŭstralija. Krychu nižej raźmiaściłasia Irłandyja — 102,47 dalara, a zamknuła trojku krain z samymi darahimi prajaznymi Šviejcaryja — 98,97 dalara. Taksama ŭ top-5 krain z samymi vysokimi cenami na prajaznyja ŭvajšli Vialikabrytanija i Aŭstralija.
Krainami z samym tannym prajezdam na hramadskim transparcie pa-raniejšamu źjaŭlajucca Luksiemburh i Malta. Tam prajezd całkam biaspłatny. Luksiemburh uvioŭ biaspłatny prajezd na aŭtobusach, ciahnikach i tramvajach dla hramadzian krainy i turystaŭ u 2020 hodzie, a Malta tolki dla rezidentaŭ — u 2022-m.
U top-5 krain z samymi nizkimi cenami na prajaznyja ŭvajšli jašče Šry-Łanka (5,69 dalara), Pakistan (7,08 dalara), Jehipiet (7,38 dalara).
Kamientary