«Kaalicyja achvotnych» na čale z Francyjaj i Vialikabrytanijaj pry ŭdziele Turcyi i ZŠA stvoryć pracoŭnuju hrupu dla padrychtoŭki harantyj biaśpieki dla Ukrainy. Pra heta paviedamiŭ prezident Francyi Emanuel Makron pa vynikach narady kaalicyi.
Admietna, što 25 listapada da videazvanka «kaalicyi» ŭpieršyniu dałučyŭsia i dziaržsakratar ZŠA Marka Rubia.
«My vyrašyli stvaryć pracoŭnuju hrupu, jakaja pačnie pracu ŭžo z zaŭtrašniaha dnia pad kiraŭnictvam Francyi i Vialikabrytanii, ź ciesnym udziełam Turcyi, jakaja hraje klučavuju rolu ŭ marskoj śfiery, i ŭpieršyniu z udziełam ZŠA», — skazaŭ Makron.
Pa słovach francuzskaha prezidenta, Ukrainie patrebien mir, jaki byŭ by «surjoznym» i «z šanavańniem mižnarodnaha prava».
Ukraina dała zrazumieć, što ŭ cełym padtrymlivaje mirny płan, ale sprečnyja pytańni nieabchodna vyrašyć na sustrečy prezidenta Uładzimira Zialenskaha i prezidenta ZŠA Donalda Trampa.
Uładzimir Zialenski prapanavaŭ jeŭrapiejskim partnioram dałučycca da jaho sustrečy z Trampam.
«Ja hatovy sustrecca z prezidentam Trampam — jość dalikatnyja pytańni dla abmierkavańnia, jany ŭ nas jašče jość, i my ličym, što prysutnaść jeŭrapiejskich lidaraŭ moža być karysnaj», — adznačyŭ prezident Ukrainy na sustrečy «kaalicyi achvotnych».
Zialenski hatovy sustrecca z Trampam u amierykanski Dzień padziaki
Ukraina pahadziłasia abmiežavać armiju da 800 tysiač čałaviek
U ZŠA zajavili, što Ukraina pahadziłasia ź mirnym płanam Trampa
Umieraŭ: Kijeŭ i Vašynhton dasiahnuli «ahulnaha razumieńnia» pa klučavych umovach mirnaha płana
«Zastałosia tolki niekalki punktaŭ». U Biełym domie skazali, što bolšaść punktaŭ mirnaha płana pa Ukrainie ŭzhodnienyja
Kamientary