«Кааліцыя ахвотных» на чале з Францыяй і Вялікабрытаніяй пры ўдзеле Турцыі і ЗША створыць працоўную групу для падрыхтоўкі гарантый бяспекі для Украіны. Пра гэта паведаміў прэзідэнт Францыі Эмануэль Макрон па выніках нарады кааліцыі.
Адметна, што 25 лістапада да відэазванка «кааліцыі» ўпершыню далучыўся і дзяржсакратар ЗША Марка Рубіа.
«Мы вырашылі стварыць працоўную групу, якая пачне працу ўжо з заўтрашняга дня пад кіраўніцтвам Францыі і Вялікабрытаніі, з цесным удзелам Турцыі, якая грае ключавую ролю ў марской сферы, і ўпершыню з удзелам ЗША», — сказаў Макрон.
Па словах французскага прэзідэнта, Украіне патрэбен мір, які быў бы «сур'ёзным» і «з шанаваннем міжнароднага права».
Украіна дала зразумець, што ў цэлым падтрымлівае мірны план, але спрэчныя пытанні неабходна вырашыць на сустрэчы прэзідэнта Уладзіміра Зяленскага і прэзідэнта ЗША Дональда Трампа.
Уладзімір Зяленскі прапанаваў еўрапейскім партнёрам далучыцца да яго сустрэчы з Трампам.
«Я гатовы сустрэцца з прэзідэнтам Трампам — ёсць далікатныя пытанні для абмеркавання, яны ў нас яшчэ ёсць, і мы лічым, што прысутнасць еўрапейскіх лідараў можа быць карыснай», — адзначыў прэзідэнт Украіны на сустрэчы «кааліцыі ахвотных».
Зяленскі гатовы сустрэцца з Трампам у амерыканскі Дзень падзякі
Украіна пагадзілася абмежаваць армію да 800 тысяч чалавек
У ЗША заявілі, што Украіна пагадзілася з мірным планам Трампа
Умераў: Кіеў і Вашынгтон дасягнулі «агульнага разумення» па ключавых умовах мірнага плана
«Засталося толькі некалькі пунктаў». У Белым доме сказалі, што большасць пунктаў мірнага плана па Украіне ўзгодненыя
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі21
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары