U Vaŭkavysku siońnia adznačyli stohadovy jubilej siostry-dvajniaty Łarysa Bajbus i Tamara Kalinoŭskaja.
Imianińnic pavinšavali namieśnik hubiernatara Hrodzienskaj vobłaści Viktar Praniuk, kiraŭnictva Vaŭkavyskaha rajvykankama i inšyja zaprošanyja, paviedamlaje «Puł. Čaćvierty rehijon».
Na dvaich u siaścior 10 unukaŭ i 15 praŭnukaŭ. Jany — adzinyja ŭ Biełarusi stohadovyja doŭhažychary-dvajniatki.
Sapraŭdny dzień naradžeńnia siostraŭ — 22 vieraśnia, ale z-za daŭniaj pamyłki ŭ dakumientach jany stali maładziejšyja na 2 miesiacy i śviatkujuć źjaŭleńnie na śviet 25 listapada.
Łarysa Antonaŭna Bajbus usio žyćcio prapracavała stamatołaham, a Tamara Antonaŭna Kalinoŭskaja — buchhałtaram na chlebazavodzie. Jak raskazvała raniej jaje ŭnučka Alaksandra, babula dahetul usie važnyja vyličeńni robić na draŭlanych ličylnikach.
Na pytańnie «U čym sakret daŭhalećcia?» unučka ŭpeŭniena adkazvaje: u zdarovaj ježy, pracavitaści, dabryni i lubovi. Jaje babula Tamara da hetaha času ŭ siezon pracuje ŭ aharodzie.
«Što tyčycca charčavańnia, to hałoŭny sakret — usiaho pavinna być u mieru. Całkam admaŭlać sabie ŭ zadavalnieńniach nielha. Naprykład, babulin lubimy napoj — «Koka-koła». A hałoŭnaje firmovaja strava — piačonačny paštet. Jana zaŭsiody jaho robić sama, pakul nikomu nie daviaraje sakretny recept», — raskazała ŭnučka.
Dasiahnieńnie ŭniesiena ŭ Nacyjanalny rejestr rekordaŭ Biełarusi.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary