Hramadstva1616

«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie

Byłyja adnapartyjcy prarasijskaj danosčycy vykazali svoj davier da rašeńnia CVK i ździekliva prajšlisia pa tych «turystach z Rasii», jakija nie razumiejuć biełaruskaj movy. 

Siarhiej Syrankoŭ, staršynia Kampartyi Biełarusi. Fota: telehram-kanał Kampartyi Biełarusi

Adpaviedny dopis źjaviŭsia ŭ aficyjnym telehram-kanale Kamunistyčnaj partyi Biełarusi, staršynia jakoj, Siarhiej Syrankoŭ, sioleta bałatujecca ŭ prezidenty.

Kodła Bondaravaj akazałasia niezadavolenaje tym, što ŭ biuleteniach adsutničaje ruskaja mova. Na ichni zvarot CVK adkazaŭ, što ŭsio adpaviadaje zakonu. Na pres-kanfierencyi 10 studzienia kiraŭnik CVK Ihar Karpienka abvinavaciŭ prarasijskich aktyvistaŭ u nacyjanalistyčnych vypadach. 

Ciapier z asudžeńniem kodły Bondaravaj vystupiła i Kampartyja, ź jakoj letaś vyhnali hrodzienskuju danosčycu. Byłyja supartyjcy ździekliva abyhrali toje, što prarasijskija aktyvisty cisnuć na toje, što byccam by ruskamoŭnaja bolšaść u Biełarusi i hości z Rasii nie razumiejuć biełaruskaj movy:

«Nie adzin turyst z Rasii zhubiŭsia i pamior ad hoładu, nie znajšoŭšy kramy ź ježaj (pierabłytaŭšy «kramu» i «kramołu»). Jašče bolš ludziej źmierźli na prypynkach i vakzałach, nie zdoleŭšy pierakłaści dziŭnyja i składanyja słovy, jak «vychad» i «płatforma». Hublajucca taksama i ŭ biełaruskich sanatoryjach — bo viedać słova «pracedura» nie abaviazkova», – iranizujuć u paviedamleńni.

Kamunisty taksama adznačyli, što na praciahu 30 hadoŭ niezaležnaści biełaruskamoŭnyja biuleteni zadavalniali ŭsich i tolki napiaredadni hałasavańnia ŭzdymajecca moŭnaje pytańnie, kab naŭmysna pryciahnuć da jaho ŭvahu ŭ Rasii.

Jany nahadali, što na akupavanych Rasijaj terytoryjach Ukrainy siońnia aficyjna dźvie dziaržaŭnyja movy, a ŭ Krymie — až try. Nasamreč biełaruskija kamunisty apielujuć sastarełymi źviestkami: u 2020 hodzie tak zvanyja ŁNR i DNR pazbavili ŭkrainskuju movu statusu dziaržaŭnaj. 

«Biełaruś — šmatnacyjanalnaja kraina, i tut nichto nie dazvolić razburać kanfiesijny i nacyjanalny mir. Kamunisty tradycyjna vystupali suprać lubych formaŭ šavinizmu i nacyjanalizmu, i vykazvajuć svoj davier da CVK», — havorycca ŭ kancy paviedamleńnia.

«Naša Niva» — bastyjon biełaruščyny

PADTRYMAĆ

Kamientary16

  • Niet vkusa, no nado otrabatyvať
    12.01.2025
    Ślepoj Ṕju, za babki ot rossotrudničiestva ona i kJetajskij s šumierskim vyučit!)
    A za čto jeŝio pokupať čiernyje łabutieny k bołotnoho ćvieta palto?)
  • M
    12.01.2025
    "Nasamreč biełaruskija kamunisty apielujuć sastarełymi źviestkami" Nu, reč u tym, što heta nie syrankoŭcy, vidać, pisali artykuł. Heta chutčej SPUŠČANYJA ŹVIERCHU tezysy z administracyi, bo kolki tydniaŭ tamu była publikacyja ŭ niejkim hubazikaŭskim kanale. Tam taksama była krytyka na adresu kampanii Bondaravaj, a paśla taksama była spasyłka na akupavanyja terytoryi Ŭkrainy. Ale mielisia na ŭvazie tam nie Łuhanskaja i Danieckaja vobłaści, a CHERSONSKAJA I ZAPAROSKAJA. Nu j Krym tam hetaksama fihuravaŭ. Dyj, vidać, u syrankoŭcaŭ brakuja intelektualnych siłaŭ, kab napisać analityku.
  • Žyhul
    12.01.2025
    Ślepoj Ṕju, dakładna, u toj čas kali biełarusy z ukraincami vydatna razumiejucca bieź pierakładčyka, hetyja tolki skavyčuć "hovoritie normalno"

Ciapier čytajuć

Kiełah płanuje pajezdku ŭ Biełaruś i sustreču z Łukašenkam

Kiełah płanuje pajezdku ŭ Biełaruś i sustreču z Łukašenkam

Usie naviny →
Usie naviny

Šmatdzietnaha baćku-viernika pryznali jašče i terarystam1

Kampanija Trampa budzie vypuskać imiannyja mabilniki ź cikavym taryfnym płanam2

Chto taki Viarchoŭny lidar Irana ajatała Ali Chamieniei i nakolki ŭpłyvovaja jaho siamja2

Biełaruski eks-ministr pryros aktyvam u Polščy, ale nie zabyvaje pra Rasiju3

Pad Danieckam rasijski vajskoviec złaviŭ žonku z paluboŭnikam, vyviez jaho ŭ pole i rasstralaŭ z aŭtamata7

Iłan Mask apublikavaŭ vyniki analizaŭ mačy na narkotyki5

Rasijanin vyskačyŭ u Litvie ź ciahnika padčas ruchu, jaho šukaje palicyja1

Jak adroźnić časovaje vypadzieńnie vałasoŭ ad abłysieńnia? Tłumačyć trychołah

Śviatłana Aleksijevič raskazała, jakuju knihu vypuścić nastupnaj. Jana nie pra kachańnie, jak płanavałasia raniej23

bolš čytanych navin
bolš łajkanych navin

Kiełah płanuje pajezdku ŭ Biełaruś i sustreču z Łukašenkam

Kiełah płanuje pajezdku ŭ Biełaruś i sustreču z Łukašenkam

Hałoŭnaje
Usie naviny →

Zaŭvaha:

 

 

 

 

Zakryć Paviedamić