Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
U novym 2026 hodzie adna z partyj kirujučaj kaalicyi Hiermanii, Chryścijanska-sacyjalny sajuz (CHSS), płanuje viarnuć «bolšaść» siryjcaŭ, jakija atrymali ŭ krainie prytułak, nazad na radzimu. CHSS taksama nastojvaje na źmienie kursu ŭ dačynieńni da ŭkrainskich biežancaŭ.
Pra heta piša niamieckaje vydańnie BILD.
Praz bolš jak hod paśla zakančeńnia hramadzianskaj vajny ŭ Siryi tolki z Turcyi na radzimu viarnulisia zvyš paŭmiljona biežancaŭ. U Hiermanii ž kolkaść prašeńniaŭ ab prytułku nie źmianšajecca, u toj čas jak departacyj nie stała bolš.
Bavarskaja kirujučaja partyja CHSS abiacaje na 2026 hod «nastupalnuju departacyjnuju kampaniju». U prahramnym dakumiencie ziamielnaj hrupy CHSS u bundestahu deputaty zapatrabavali pravodzić departacyi rehularnymi avijarejsami, u tym liku «ŭ Siryju i Afhanistan».
Pakolki hramadzianskaja vajna ŭ Siryi skončyłasia, «dla bolšaści siryjcaŭ, jakija atrymali ŭ Hiermanii časovaje prava na znachodžańnie ŭ suviazi z vajnoj, adpadaje padstava dla abarony», — ličać u partyi.
Da hetaha času na praktycy departacyi časta zryvajucca, kali asoby, jakich vysyłajuć, akazvajuć supraciŭ abo chavajucca ŭ dzień vysyłki. Ekśpierty patrabujuć bolšaj žorstkaści z boku zakanadaŭčych orhanaŭ, a taksama dadatkovych prahram, jakija zrabili b dobraachvotnaje viartańnie bolš pryvabnym.
Naprykład, daśledčyk mihracyi Daniel Cim prapanavaŭ dazvolić siryjcam pajezdki na radzimu, jakija dahetul zabaronienyja dla biežancaŭ. Ułady Turcyi i Francyi ŭžo dazvolili takija vizity, spadziejučysia tym samym paskoryć dobraachvotnaje viartańnie siryjcaŭ.
Varta adznačyć, što z kanca 2024 hoda Turcyja paviedamiła ab prykładna 550 tysiačach vyjezdaŭ siryjskich hramadzian, u toj čas jak Hiermanija navat u 2025 hodzie zarehistravała amal 25 tysiač novych zajaŭ ab pradastaŭleńni prytułku ad siryjcaŭ.
CHSS taksama pierakonvaje ŭ nieabchodnaści źmieny kursu ŭ dačynieńni da ŭkrainskich biežancaŭ. Partyja budzie damahacca taho, «kab, u pryvatnaści, vajennaabaviazanyja ŭkrainskija mužčyny rabili svoj uniosak u abaronu svajoj krainy».
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek19
Kamientary