Pamiłavany najlepšy futbalist Biełarusi-2021, jaki siadzieŭ na chatniaj chimii za ŭdzieł u pratestach
Ciapier Andrej Sałaviej źbirajecca praciahnuć karjeru za miažoj.
U kancy 2024 hoda futbalistu mazyrskaj «Słavii» Andreju Sałaŭju razam z žonkaj prysudzili dva hady chatniaj chimii. Padstavaj dla palityčnaha pieraśledu stali fota z pratestaŭ 2020 hoda.
Niahledziačy na prysud i ŭniasieńnie ŭ śpis «ekstremistaŭ», Sałaviej praciahnuŭ hulać za «Słaviju». Jak piša «Trybuna», u hetym jamu dapamahli dyrektar Mazyrskaha NPZ Vital Paŭłaŭ, a taksama hałoŭny trenier kłuba Ivan Bijončyk. Adzinym abmiežavańniem dla najlepšaha futbalista Biełarusi 2021 hoda była patreba tryvać milicejskija pravierki i davać spravazdačy ab adjeździe i viartańni na haściavyja matčy.
U 2025 hodzie Sałaviej zabiŭ 16 miačoŭ i staŭ druhim bambardziram čempijanatu Biełarusi. Ciapier, jak śćviardžaje «Trybuna», forvard źbirajecca adšukać sabie kłub za miažoj. Ale jak heta mahčyma ź jahonym prysudam?
Jak vyśvietliłasia, Andrej i Aksana Sałaŭi byli pamiłavanyja Łukašenkam. Imavierna, heta zdaryłasia napiaredadni tak zvanaha Dnia narodnaha adzinstva. Tady byli pamiłavanyja 25 čałaviek.
U «Słavii» nie rasčaravanyja hulcom i nie majuć da jaho pretenzij. U mazyrčukoŭ z Sałaŭjom jość vusnaja damoŭlenaść, što kali ŭ jaho nie atrymajecca za miažoj, to jon vierniecca ŭ paleski kłub.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary