«Maskva i Minsk adzinyja ŭ rašučym asudžeńni».
Ministerstva zamiežnych spraŭ Rasii paviedamiła, što ich kiraŭnik Siarhiej Łaŭroŭ sazvaniŭsia ź ministram zamiežnych spraŭ Biełarusi Maksimam Ryžankovym, kab abmierkavać situacyju ŭ Vieniesuele.
«Padkreślena, što Maskva i Minsk adzinyja ŭ rašučym asudžeńni ahresii, učynienaj ZŠA suprać suvierennaj dziaržavy ŭ parušeńnie mižnarodna-pravavych normaŭ.
Akcentavanaja biezumoŭnaja nieabchodnaść nieadkładna vyzvalić zakonnaha prezidenta Vieniesueły N. Madura i jaho žonku, viarnuć ich u stalicu krainy i adnavić N. Madura na pasadzie kiraŭnika dziaržavy».
Ministerstva zamiežnych spraŭ Biełarusi raniej asudziła apieracyju ZŠA pa zachopie Madura i zajaviła, što razhladaje jaje jak «pramuju pahrozu mižnarodnamu miru i biaśpiecy».
«Biełaruski bok zajaŭlaje ab svajoj niepachisnaj padtrymcy zakonnaha ŭrada Vieniesueły i dałučajecca da zakliku ab terminovym sklikańni Rady Biaśpieki AAN, na jakuju ŭskładziena hałoŭnaja adkaznaść za padtrymańnie miru. Dypłamatyčnaja misija Biełarusi ŭ Karakasie pracuje ŭ štatnym režymie, jaje piersanał u biaśpiecy. Viadziecca praca pa manitorynhu situacyi ź biełaruskimi hramadzianami; infarmacyja ab ekstremalnych zdareńniach ź imi nie pastupała.
Respublika Biełaruś padkreślivaje: prava vieniesuelskaha naroda samastojna vyznačać svoj los źjaŭlajecca nieparušnym. Nijakija formy źniešniaha ŭmiašańnia, asabliva siłavoha, nie mohuć być apraŭdanyja», — skazana ŭ zajavie.
Ryžankoŭ taksama sazvaniŭsia sa svaim vieniesuelskim kaleham Ivanam Chilem.
-
Minenierha pra situacyju z aśviatleńniem: Usio budzie rehulavacca ŭ zaležnaści ad miascovaści
-
Jak dziaržava pradała niepatrebnuju łaźniu za 29 rubloŭ, a paśla zabrała i łaźniu, i šalonuju niaŭstojku
-
«Baćka pravilna zrabiŭ, ciapier bolš praviednaści», «Foty vyrvanyja z kantekstu». Jak prapahanda apraŭdvaje adklučeńnie śviatła na vulicach
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j13
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary