Jon taksama skazaŭ, što ZŠA buduć kantralavać situacyju ŭ Vieniesuele da vybaraŭ.
Donald Tramp daŭ pres-kanfierencyju paśla zachopu byłoha prezidenta Vieniesueły Nikałasa Madura.
Tramp zajaviŭ, što padobnyja apieracyi nie pravodzilisia z časoŭ Druhoj suśvietnaj vajny. «Ni adna kraina ŭ śviecie nie zmahła b zrabić taho, što zrabiła Amieryka ŭčora», — adznačyŭ Tramp. Jon paraŭnaŭ heta z zabojstvam lidara «Isłamskaj dziaržavy» al-Bahdadzi.
Jon dadaŭ, što paciarpiełych siarod amierykanskich sałdat niama.
Madura, pa słovach Trampa, abvinavačvajecca ŭ «narkateraryźmie» i byŭ kiraŭnikom Cártel de los Soles («kartel soncaŭ»).
Tramp taksama skazaŭ, što jany hatovy pravieści druhuju chvalu vajennaj apieracyi ŭ Vieniesuele, kali budzie nieabchodna. Ale pakul takoj nieabchodnaści niama.
Prezident ZŠA taksama skazaŭ, što jany buduć kantralavać situacyju ŭ Vieniesuele da vybaraŭ. A Madura ciapier nie prezident, jaho ŭłada skončyłasia.
«My budziem kiravać krainaj, pakul nie zmožam zabiaśpiečyć jurydyčna pravilnuju źmienu ŭłady ŭ Vieniesuele».
Tramp paabiacaŭ zrabić narod Vieniesueły bahatym i niezaležnym.
Tramp zajaviŭ, što amierykanskija naftavyja kampanii adnoviać Vieniesuełu. «Jany zojduć tudy i adnoviać razburanuju infrastrukturu. Jany pačnuć zarablać hrošy dla hetaj krainy».
Kiraŭnik Pientahona Pit Chehsiet i staršynia kamiteta načalnikaŭ štaboŭ uzbrojenych sił Den Kiejn raskazali pra niekalki detalaŭ apieracyi. ZŠA zadziejničali 150 samalotaŭ, a rychtavałasia apieracyja niekalki miesiacaŭ. Amierykanskaja avijacyja źniščała sistemy SPA Vieniesueły, kab śpiecnaz na viertalotach moh zachapić Maduru. Vykarystoŭvalisia źniščalniki F-35, F-22, a taksama bambardziroŭščyki B-1.
Dziaržsakratar Marka Rubia skazaŭ, što ŭ Madury było mnostva mahčymaściaŭ paźbiehnuć zachopu, jamu pastupali ščodryja prapanovy, ale jon nie skarystaŭsia imi.
«Nie hulajcie ŭ hulni z hetym prezidentam», — skazaŭ Rubia pra Trampa.
Adkazvajučy na pytańni žurnalistaŭ, Tramp raskazaŭ, što Madura sprabavaŭ biehčy ŭ bunkier, ale amierykanskija vajskoŭcy nie dali jamu heta zrabić. Pa słovach Trampa, pačałasia vialikaja pierastrełka i za 47 siekund amierykanskija vajskoŭcy zmahli ŭsio začyścić.
Vice-prezidentka Vieniesueły praviała telefonnuju razmovu ź dziaržsakratarom ZŠA, zajaviŭ Tramp. Jon śćviardžaje, što Karakas hatovy da supracoŭnictva z Vašynhtonam.
Trampa spytali, ci kantaktavaŭ jon z nobieleŭskaj łaŭreatkaj i apazicyjnym palitykam ź Vieniesueły Maryjaj Karyna Mačada. Jon skazaŭ, što Mačada było b «vielmi ciažka» być lidaram Vieniesueły. Choć jana vielmi «miłaja žančyna», pa jaho słovach, «u jaje niama padtrymki abo pavahi ŭnutry krainy».
Naprykancy Trampa spytali, ci abmiarkoŭvaŭ jon z Pucinym Vieniesuełu. Prezident ZŠA skazaŭ, što jany nie abmiarkoŭvali Vieniesuełu i Madura.
-
Masavyja pratesty ŭ Iranie praciahvajucca. Pratestoŭcy zaklikajuć da źviaržeńnia ajatały Ali Chamieniei i viartańnia Rezy Piechlevi
-
U Portlendzie ahienty pamiežnaj słužby ZŠA paranili dvuch čałaviek
-
Tramp pra Kubu: Ja nie dumaju, što možna bolš nacisnuć na Kubu, čym prosta ŭvarvacca da ich i raźnieści tam usio
Kamientary
Adchileny ad ułady, aryštavany, vyviezieny z krainy.
2. Uładzimir Pucin — dyktatar Rasii. Raźviazaŭ samuju kryvavuju vajnu ŭ Jeŭropie, niasie adkaznaść za miljon stračanych žyćciaŭ. Zaprošany ŭ ZŠA z aficyjnym vizitam, karystajecca pavahaj amierykanskaha prezidenta.
3. Donald Tramp — školny buli, jakomu pieryjadyčna treba kamuści nabić mordu, kab jaho pavažali i bajalisia. Zvyčajna heta niechta słabiejšy, chto nie moža dać adpor.
Na Biełarusi jość nafta, słancy, kalijnaja sol, žaleznyja rudy i redkaziamielnyja mietały, ałmazy, hrafit i hranit, hips i anhidryt, fasfaryty i torf, a taksama morany dub!
Sriedi nich jesť boleje pokładistyje dla trampa i jeho biźnies-intieriesov, poetomu prošło vsio hładko i krasiva, kak lubit hovarivať naš, šieptun putina.
Prodołžat, s učiotom biźnies-intieriesov trampa, zanimaťsia tiem, čiem zanimaliś i do etoho.