Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
U videarolikach zhienieravanyja štučnym intelektam pryvabnyja maładyja dziaŭčyny, apranutyja ŭ adzieńnie z nacyjanalnymi polskimi simvałami, zaklikajuć Polšču ździejśnić «pałekzit».
Pra heta piša polskaje vydańnie RMF24, pieradaje «Jeŭrapiejskaja praŭda».
Rasśledavańnie pačałosia paśla taho, jak u kancy śniežnia namieśnik ministra ličbavych spraŭ Polščy Daryjuš Standerski nakiravaŭ list u Jeŭrakamisiju. U im jon adznačyŭ, što kantent «maje prykmiety skaardynavanaj dezynfarmacyjnaj kampanii» i «ŭjaŭlaje pahrozu hramadskamu paradku, infarmacyjnaj biaśpiecy i cełasnaści demakratyčnych pracesaŭ u Polščy i va ŭsim Jeŭrapiejskim sajuzie».
Polski čynoŭnik zaklikaŭ Brusiel raspačać praceduru i pryniać miery nahladu ŭ dačynieńni da TikTok.
Jak stała viadoma polskamu vydańniu, Jeŭrakamisija pravieryć adpaviednaść kantentu ŭ TikTok zakanadaŭstvu ES.
«Słužby Jeŭrapiejskaj kamisii zaraz źviažucca z polskimi ŭładami, kab atrymać bolš detalovuju infarmacyju i acanić fakty z metaj pravierki adpaviednaści Zakonu ES ab ličbavych pasłuhach (DSA)», — zajaviła pres-sakratar Jeŭrakamisii Jeva Hrnčyrava.
Pavodle jaje słoŭ, vielmi bujnyja anłajn-płatformy, uklučajučuju TikTok, pavinny aceńvać usie ryzyki, źviazanyja ź ich servisami, u tym liku tyja, što tyčacca štučnaha intelektu. Jana dadała, što jašče ŭ sakaviku 2024 hoda Jeŭrakamisija zapytvała ŭ TikTok infarmacyju pra miery, pryniatyja dla likvidacyi padobnych ryzyk.
Kantekst: rost jeŭraskieptycyzmu ŭ Polščy
Rasśledavańnie adbyvajecca na fonie rostu jeŭraskieptyčnych nastrojaŭ u polskim hramadstvie. Apytańni, praviedzienyja ŭ śniežni, pakazali, što kala čverci hramadzian krainy hatovyja padtrymać vychad ź Jeŭrasajuza.
Tak, 24,7% respandentaŭ vykazalisia za vychad Polščy ź ES: 11,6% zajavili, što «rašuča suprać» prysutnaści ŭ ES, a 13,1% — što «chutčej za» vychad. Pry hetym 69% hramadzian pa-raniejšamu padtrymlivajuć členstva ŭ Jeŭrasajuzie.
-
U Bierlinie dziasiatki tysiač žycharoŭ zastalisia bieź śviatła praz dyviersiju
-
Zialenski, Makron i Starmier padpisali dekłaracyju ab razhortvańni va Ukrainie zamiežnaha kantynhientu
-
Va Ukrainu nie puścili italjanca ŭ vyšyvancy, jaki darohaj nachvalvaŭ Pucina. Praz Threads za im sačyli dziasiatki tysiač čałaviek
U Łahojsku piekar admaŭlajecca pradavać svoj chleb pakupnikam, u jakich jość sabaki82
Kamientary
spadziajusia na chutkuju zabaronu ši kantenta i kitajskaj pamyjki cik-toka