Rasijskija vojski ŭdaryli pa šmatpaviarchoviku ŭ histaryčnym centry Charkava
Uviečary 2 studzienia rasijskija vojski nanieśli rakietny ŭdar pa centry Charkava. Adna z rakiet trapiła ŭ šmatpaviarchovy žyły dom u Kijeŭskim rajonie horada. Pavodle apošnich danych mera horada Ihara Cierachava, u vyniku rakietnaha ŭdaru žyły dom razburany, paciarpieli da 16 čałaviek.
U sacyjalnych sietkach źjaviłasia videa, na jakim zafiksavany momant traplańnia rakiety ŭ budynak pa vulicy Alesia Hančara, u histaryčnym centry horada.
Kiraŭnik Charkaŭskaj abłasnoj vajennaj administracyi (AVA) Aleh Siniahubaŭ paviedamiŭ, što ŭ vyniku ŭdaru dom byŭ całkam razburany. Taksama paškodžanyja fasady i vybityja vokny ŭ susiednich budynkach.
Pavodle jahonych słoŭ, šeść čałaviek špitalizavanyja. Siarod ich adna žančyna znachodzicca ŭ ciažkim stanie. Astatnim paciarpiełym dapamoha była akazana na miescy.
Na ataku adreahavaŭ prezident Ukrainy Uładzimir Zialenski. Pavodle jaho infarmacyi, pa horadzie ŭdaryli dźviuma rakietami.
«Žachlivy rasijski ŭdar pa Charkavie. Prosta pa žyłoj zabudovie. Na žal, mienavita tak rasijanie staviacca da žyćcia i da ludziej — praciahvajuć zabojstvy, i heta niahledziačy na ŭsie namahańni śvietu i najpierš Złučanych Štataŭ u dypłamatyčnym pracesie. Tolki Rasija nie choča zaviaršeńnia hetaj vajny i kožny dzień robić usio, kab vajna praciahvałasia», — napisaŭ Zialenski ŭ svaim telehram-kanale.
Prezident Ukrainy padkreśliŭ, što hety ŭdar jašče raz dakazvaje nieabchodnaść uzmacnieńnia ŭkrainskaj supraćpavietranaj abarony (SPA) i padtrymki Ukrainy z boku mižnarodnych partnioraŭ.
-
Novym kiraŭnikom ukrainskaj raźviedki staŭ Aleh Ivaščanka. Što pra jaho viadoma?
-
HUR raskryła padrabiaznaści insceniroŭki hibieli kamandzira RDK, za jakuju atrymała $500 tysiač ad zakazčykaŭ VIDEA
-
«Źmiena daty ŭ kalendary nie spyniaje vajny ni na chvilinu». Jak sustrakali i što jeli na Novy hod vajary Pałka Kalinoŭskaha?
Kamientary